Thursday , May 13 2021
Breaking News
You are here: Home / News / Marines timbog sa Makati police
Marines timbog sa Makati police

Marines timbog sa Makati police

TIMBOG ang isang retiradong miyembro ng Philippine Marines sa ikinasang buy-bust operation ng mga operatiba ng Makati Police at nakompiska ang mahigit P1-milyong halaga na hinihinalang shabu sa Barangay West Rembo, Makati City, kamakalawa ng gabi.

Kinilala ni Makati City Police chief, P/Colonel Harold Depositar, ang suspek na si Rufino Advincula, Jr., alyas Yubert, 53 anyos, ng 123 Block 5 Avocado St., Brgy. West Rembo, Makati City.

Base sa ulat, kumagat ang suspek sa ipinain na P50,000 para sa binibiling shabu ng poseur-buyer dakong 6:15 pm nitong Martes.

Nasa kabuuang 200 gramo ng hinihinalang shabu ang nasamsam ng mga operatiba, may street value na P1,360,000 at nabawi rin ang buy bust money na pawang boodle money at inihalong 2 genuine P1,000 bills.

Nahaharap sa paglabag sa Section 5 at 11 ng  Republic Act 9165 o Comprehensive Dangerou Drugs Act of 2002 ang nakapiit na suspek.

May impormasyon ang suspek na dati nang nahulihan ng ilegal na droga.  (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top