Thursday , March 28 2024

DOTr, LTO ‘tameme’ sa Senado

‘NATAMEME’ ang mga kinatawan ng Depart­ment of Transportation (DOTr) at Land Transportation Office (LTO) nang gisahin sila sa Senado dahil sa palpak na pagpapatupad ng Private Motor Vehicle Inspection Center (PMVIC) at pagpapatupad ng batas para sa safety child seats sa mga sasakyan.

Nabigong makom­binsi ng DOTr at maging ni LTO chief, Assistant Secretary Edgar Galvante ang mga senador kung sa anong batas nila ibinatay ang pagpapatupad lalo ang pribatisasyon ng MVIS.

Tahasang sinabi ni Senate President Pro Tempore Ralph Recto, ang maraming bayarin na ipinataw ng LTO ay lumilikha ng pagkakamal ng malaking ganansiya sa industriya bilang resulta ng pribatisasyon ng MVIS.

Babala ni Recto, ang MVIS ay isang P8-bilyong industriya kada taon para sa inspection firms, habang ang mandatory enrolment sa driving schools ay may potensiyal na magkamal ng P7.5 bilyon kada taon para sa mga may-ari.

“That’s just two (fees) out of many. It is unfair and premature to call these ‘money heist’ ventures, because as I have said, the objectives are laudable, but the implementation is far from lovable,” ani Recto.

Aniya, ang Republic Act 10930 na ginamit na basehan ng LTO sa kanilang Memorandum Circular 2019-2176 – na nag-aatas na mag-enrol sa driving school para mapagkalooban ng driving school certificate – ay hindi nagsasabing mag-enrol sa private driving academies.

“There is no explicit provision authorizing the LTO to impose the driving school diploma rule. This is a case of an overreach,” dagdag ni Recto.

Ang importante umano, nakapasa ang aplikante sa driving test nang walang pandaraya.

Kaugnay nito, inihain ni Recto ang Senate Resolution 638 para sa suspensiyon ng private Motor Vehicle Inspection Centers sa buong bansa hangga’t walang naisa­sagawang comprehensive public consultation.

Kabilang sa mga dumalo sa pagdinig ng Senate committee on public services at Senate committee on women, children, family relations and gender equality na pinamunuan ni Senadora Grace Poe ay sina Senate President Vicente Sotto III, Senate President Pro-Tempore Ralph Recto, Senate Majority Leader Juan Miguel Zubiri, Senate Minority Leader Franklin Drilon, senators Christopher Lawrence “Bong” Go, Joel Villanueva, Aquilino “Koko” Pimentel, Ramon Revilla, Jr., at Senadora Nancy Binay.

Ang mga naturang senador ay naniniwalang hindi handa ang resource persons sa pagsagot sa mga katanungan ukol sa isyu at tila mali ang data na isinumite sa kanila.

Bukod dito hiniling ni Poe sa LTO na isumite sa komite ang listahan ng lahat ng centers na nagpapatupad ng MVIC at maging ang kabuuang miyembro o stockholders ng bawat kompanya.

(NIÑO ACLAN)  

 

About Niño Aclan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *