Monday , May 10 2021
Breaking News
You are here: Home / Showbiz / Sunshine iba na ang celebration ng Vday
Sunshine iba na ang celebration ng Vday

Sunshine iba na ang celebration ng Vday

HAPPY si Sunshine Cruz, at sinabi niyang ok naman siya sa Valentine’s day sa Linggo. Hindi naman niya ikinakaila na ok ang love life niya sa ngayon, pero sabi nga niya, iba na ang celebration niya sa ngayon. Ang celebration nila kung sakali man ay family celebration.

“Hindi naman puwedeng hindi ko kasama ang mga anak ko. Sa ngayon basta may free time ako, gusto ko kasama ko ang mga anak ko. Mahirap ngayon eh, basta may trabaho kami naka-lockdown. Hindi kami nakakauwi ng bahay. Hindi kagaya noon na gabihin man kami sa shooting o taping, pagdating ko sa bahay ay naiche-check ko pa rin sila kahit na tulog na. Maaga pa rin akong gumigising para makausap sila bago pumasok sa school.

“Eh ngayon basta may trabaho ka, lock down nga at hindi ka makakauwi, kaya miss ko rin ang mga anak ko. Sanay kasi kami na laging magkakasama talaga eh. Kaya ngayon kung may free time ako, kahit na ano pa ang okasyon na iyan kailangan kasama ko mga anak ko,” pagkukuwento ni Sunshine.

Ano ba ang plano nila?

“Wala na kaming plano. Siguro kagaya lang ng madalas naming ginagawa na family affair lang. Kasama ko iyong mga anak ko, tapos si Macky (Mathay, bf) kasama rin ang mga anak niya. Kasi ganoon din naman ang sitwasyon niya. Sa dami ng kailangan niyang asikasuhin sa trabaho niya, bihira na rin niyang makasama ang mga anak niya. Kaya basta may chance isinasama niya.

“Hindi na siguro kami lalabas. Alam mo naman ngayon maraming restrictions dahil sa Covid at saka delikado rin naman talaga. Kaya pinaka-safe iyong sa bahay na lang kayo, at least sigurado ka sa environment, sigurado ka rin sa kung ano man ang kakaninin ninyo.

“Sa amin naman ok lang kahit na saan, ang mahalaga ay magkakasama nga kami, nagkikita-kita. Ganoon lang happy na kami eh. Mababaw lang naman ang kaligayahan namin,” sabi pa ni Sunshine.

Mayroon pa ba siyang wish na matanggap na Valentine’s gift?

“Naku wala na, hindi na ako teenager. Noong araw basta Valentine’s day, excited ako at hinuhulaan ko na agad kung anong gift ang ibibigay sa akin. Ngayon hindi na ganoon eh. Pabayaan na lang natin na iyong mga bata na lang ang ganoon,” ang nagtatawa pang sabi ni Sunshine.

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top