Wednesday , May 12 2021
Breaking News
You are here: Home / Showbiz / KMJS ni Jessica Sunday night habit na
KMJS ni Jessica Sunday night habit na

KMJS ni Jessica Sunday night habit na

LINGGO-LINGGO ay talaga namang ng mga manonood ang Kapuso Mo, Jessica Soho at hindi na nga nakapagtataka na number 1 TV program ito ayon sa Nielsen Phils. NUTAM Ratings para sa buong 2020.

Matagal nang nangunguna sa puso ng viewers ang programa ni Jessica Soho. Kahit noong 2019, ito rin ang top-rating show sa nationwide urban ratings.

Pati online ay talaga namang napakalakas ng KMJS. Mayroon itong 1.7 billion views online sa taong 2020 lang at umabot na rin sa 21 million ang followers nito sa Facebook. Consistent din sa pagiging weekly trending topic ang KMJS.

Sa kabila ng mga pagsubok, pag-asa ang hatid ng mga kuwentong itinatampok sa KMJS.  Hindi nga ba’t isa ang KMJS sa mga nagkaroon agad ng fresh episodes noong kasagsagan ng pandemic last year? Patuloy din ang KMJS sa pagpapalabas ng inspiring stories kabilang na ang mga kuwento ng health workers at frontliners na walang sawang nagbibigay serbisyo sa bayan. Bukod pa sa ayuda na ibinibigay ng programa kada Linggo.

Nagiging daan din ang KMJS na matulungan ang mga kababayan natin sa pamamagitan ng mga donasyon ng mga manonood na diretsong nakararating sa mga nangangailangan.

Sunday night habit na nga kung ituring ang KMJS. Sana ay ipagpatuloy pa ninyo ang inyong Serbisyong Totoo!

COOL JOE!
ni Joe Barrameda

About Joe Barrameda

Leave a Reply

Your email address will not be published. Required fields are marked *

*

Scroll To Top