Saturday , May 15 2021
Breaking News
You are here: Home / Showbiz / Quinn Carrillo, happy kahit mapagalitan ni Direk Joel Lamangan
Quinn Carrillo, happy kahit mapagalitan ni Direk Joel Lamangan

Quinn Carrillo, happy kahit mapagalitan ni Direk Joel Lamangan

ITINUTURING ni Quinn Carrillo na ibang klaseng experience para sa kanya ang makatrabaho ang premyadong direktor na si Joel Lamangan sa Silab, na launching movie ni Cloe Barreto.

Saad ni Quinn, “Working with direk Joel Lamangan, wow grabe! Iba talagang experience. To be honest, kahit napapagalitan ako, deep inside I was really happy, kasi it means na napapansin niya ako and tinututukan niya po talaga kaming lahat.

“You can really see na making movies is his passion and it really reflects naman sa movies na nagawa niya. Very well crafted…Iyong ibang playbacks during the shoot na napanood ko, I was amazed by everything like the framing, lighting… ang ganda!”

Bakit siya napagalitan ni Direk Joel?

Nakatawang sagot ng member ng Belladonnas, “Hahaha! Napagalitan po ako, kasi medyo slow ako sa pag-follow ng instructions minsan, hahaha!

“Siguro po na-overwhelm din ako, kasi baguhan ako tapos naka-work ko pa si direk Joel,” nakangiting wika niya.

Ano ang role niya sa Silab?  ”Iyong role ko po, ako po ‘yung maharot na yaya ni Ms. Lotlot de Leon. So, medyo ako po ‘yung comedic relief sa film.”

Mula sa panulat ni Raquel Villavicencio at under ng 3:16 Media Network, tampok din sa Silab sina Jason Abalos, ang kapatid nina Quinn at Cloe sa 3:16 Events and Talent Management na si Marco Gomez, Chanda Romero, Jim Pebanco, at iba pa.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top