Monday , May 10 2021
Breaking News
You are here: Home / News / Price ceiling ‘di solusyon sapat na suplay kailangan
Price ceiling ‘di solusyon sapat na suplay kailangan

Price ceiling ‘di solusyon sapat na suplay kailangan

BINIGYANG-LINAW  ni Senador Francis “Kiko” Pangilinan na hindi sapat ang ipapa­tupad na price ceiling kung wala naman sapat na suplay ng karne ng baboy at manok sa buong bansa.

Ayon kay Pangilinan kahit anong price ceiling ang ipalabas ng pamahalan kung walang sapat na suplay ng isang produkto ay nawawalan din ito ng saysay.

Iginiit ni Pangilinan, ang mahalaga ay may­roong sapat na suplay na manggagaling sa Visayas at Mindanao.

Ibinunyag ni Pangili­nan na may natanggap siyang impormasyon na mayroong hoarding na nagaganap kung saan may bumili ng maraming buhay na baboy at hindi muna inilabas. Saka lang umano ilalabs kapag mas mataas na ang presyo ng karne.

Ikinumpara rin ni Pangilinan ang problema ng karne ng baboy at manok sa presyo ng bigas na sumirit din pataas nang husto.

Naniniwala rin si Pangilinan na mayroong sabwatang nagaganap sa pagitan ng ilang mga namumuhunan at opisyal ng ating pama­ha­laan lalo pagdating sa importasyon.

Dahil dito tiniyak ni Pangilinan na lalo pa niyang gigisahin sa susunod na pagdinig ng Senate Committee on Food and Agriculture ang mga opisyal ng pamahalaan ukol sa biglaang pagtataas ng presyo ng baboy at manok. (N. ACLAN)

About Niño Aclan

Leave a Reply

Your email address will not be published. Required fields are marked *

*

Scroll To Top