Wednesday , May 19 2021
Breaking News
You are here: Home / Showbiz / Joed Serrano, may pa-bakasyon grande sa Anak ng Macho Dancer
Joed Serrano, may pa-bakasyon grande sa Anak ng Macho Dancer

Joed Serrano, may pa-bakasyon grande sa Anak ng Macho Dancer

PAGKATAPOS ng premier showing online ng Anak ng Macho Dancer noong Sabado ng gabi (January 30) parang biglang nanahimik lahat ng tao na dati ay parang ‘di-magkandaugaga sa pagha-hype sa pelikula na may frontal nudity ang limang baguhang artista nito (na pawang mga lalaki, siyempre pa!).

Noong January 31, ipinamalita na agad ng producer ng pelikula na si Joed Serrano na 114,000 tickets na para sa premiere night online noong January 30 ang nabenta. Ang presyo ng bawat ticket ay P690, kaya sigurado na siyang kumita ang pelikula, pahayag n’ya sa katoto namin sa panulat na si Gorgy Rulla. 

Nagpaplano na nga si Joed, ayon sa report ni Gorgy sa PEP entertainment website, na i-blowout ang limang lead actors sa isang bakasyon grande sa Boracay.

Sa PEP report na ‘yon, binigyang diin ang pagkadesmaya at panlalait nina Joed at lead actor Sean de Guzman sa mga umano ay naka-pirate agad ng pelikula sa first screening pa lang nito.

May report pang lumabas na mas mura ang ticket sa screening ng pirated copies. May nabalitaan nga raw si Joed mismo na P100 lang ang tiket sa illegal screening.

Pero nakapagtataka rin na habang isinusulat namin ito, ni isang review ng pelikulang idinirehe ng premyadong si Joel Lamangan wala kaming namu-monitor. Wala bang legitimate critic na nakapanood nito at nagkaroon ng dahilan na sumulat ng review ng pelikula?

Pwedeng sabihin nilang maraming ibang memorable scenes sa pelikula bukod pa sa frontal nudity ng limang lead actors.

Pwede rin namang sabihin nila na ‘yung frontal nudity lang talaga ang memorable scene sa buong pelikula.

Pwede ring akusahan nila ang pelikula na “exploitative” dahil sa frontal nudity scene at iba pang eksena.

Pero wala, eh, mahiwagang katahimikan ang nananaig pagkatapos ng online premiere night ng Anak ng Macho Dancer.

KITANG-KITA KO
ni Danny Vibas

About Danny Vibas

Leave a Reply

Your email address will not be published. Required fields are marked *

*

Scroll To Top