Sunday , May 16 2021
Breaking News
You are here: Home / Showbiz / KC nagmulta ng P1,500 (nag-public apology pa)
KC nagmulta ng P1,500 (nag-public apology pa)

KC nagmulta ng P1,500 (nag-public apology pa)

MABILIS na gumawa ng public apology si KC Concepcion at hindi lang iyon. Binayaran niya ang multang P1,000 matapos malabag ang ordinansa sa Baguio na nagtatadhana na kailangang laging may suot na face mask, at P500 dahil sa paglabag sa ordinansa sa social distancing. Iyan ay nangyari lamang dahil sa limang minutong picture taking na ginawa nila sa okasyong iyon, kasama ni KC si Mayor Benjie Magalong at ang misis niyon. Si Mrs.Arlene Magalong ay nagmulta rin, at si Mayor, nag-resign bilang contact tracing czar dahil sa inamin niyang naging pagkukulang din niya.

Hanga kami sa ginawa ni Mayor Magalong at ng kanyang misis.  Pero talagang humanga kami sa ginawa ni KC. Hindi naman siya residente ng Baguio, at maaari siyang umuwi rin agad. Hindi naman siguro siya hahabulin kung hindi man siya nagmulta, after all nakatulong na nga sa lunsod ang kanyang pagdalo sa proyektong iyon na ang layunin ay tulungan ang mga cultural artist ng lunsod. Sumunod naman siya sa protocol, at inalis nga lamang ang face mask nang makipag-picture taking na kasama ang mayor at ang misis niyon. Eh ano nga ba ang katuturan ng picture na iyon kung nakatakip naman ang kanilang mukha na para silang mga bandido. Pero sa kabila ng katotohanang iyon, si KC buong kababaang loob na humingi ng public apology at nagmulta pa dahil sa paglabag sa ordinansa ng lunsod.

Aba siguro kung kagaya iyan ng ibang antipatika, nagbunganga pa iyan. Baka nagtatalak pa iyan sa Twitter at sa Instagram. Kinumbida nga naman siya para makatulong sa isang cultural program ng lunsod tapos pagmumultahin pa siya. Pero hindi antipatika si KC eh. Napalaki nang maayos ang batang iyan. Hindi kagaya ng iba na laking mayaman nga pero puro kaplastikan naman ang nakikita, kaya lumalaking antipatika.

Si KC, dahil na rin siguro sa mga pangaral ng kanyang lola, na alam naman nating malapit sa masa at maraming taong nag-serbisyo sa mga tao kasama ng kanyang lolo, aba eh nasanay din sa kababaang loob.

Iyang mga kagaya ni KC, iyan talaga ang masasabi mong kahanga-hanga. Kasi iyan naman ay galing sa isang pamilyang lehitimong mabubuting tao. Hindi iyan nahaluan ng masamang dugo.

HATAWAN
ni Ed de Leon

 

About Ed de Leon

Leave a Reply

Your email address will not be published. Required fields are marked *

*

Scroll To Top