Friday , March 29 2024

3-buwan P10K ayuda at price control dapat ibigay ng gobyerno sa mahihirap (Para makabangon sa epekto ng pandemya)

KAGYAT na bigyan ng P10,000 ayuda sa loob ng dalawa hanggang tatlong buwan ang mga pamilyang mahihirap at kontrolin ang presyo ng mga bilihin, ang dapat iprayoridad ng administrasyong Duterte upang maisalba sa matinding dagok ng pandemya sa kanilang kabuhayan.

Ipinanukala ito ng research group na Ibon Foundation sa pamahalaan sa gitna ng kawalan ng trabaho at pagbagsak ng kita ng mga pamilyang maralita at pagsasamantala ng mga negosyante .

Anang Ibon, ang pangma­tagalang solusyon sa paglobo ng halaga ng mga bilihin ay makabuluhang suporta ng gobyerno sa mga magsasaka at mangingisda upang lumaki ang kanilang produksiyon.

Ipinunto nito ang patuloy na pagbawas ng pondo para sa agrikultura sa pambansang budget, mula sa 3.6% noong 2019 sa 3.2% ngayong 2021.

Iginiit ng Ibon ang panga­ngailangan para sa umento sa sahod na matagal nang hindi nararanasan ng mga obrero sa ilalim ng administrasyong Duterte.

Anang Ibon, naranasan ng mga manggagawa ang pinaka­matumal na wage hike sa panahon ng administrasyong Duterte at pinakamaliit na umento sa sahod sa nakalipas na 35 taon.

Ang nakalipas na mga administrasyon ay nakapag­patupad ng anim hanggang pitong beses na wage hike at maging ang mahigit dalawang taon na  Estrada administration ay dalawang beses itinaas ang sahod.

Sa kasalukuyan, ipinatutu­pad ang P537 minimum wage sa National Capital Region ay kapos dahil aabot sa P1,057 ang family living wage o ang halagang kailangan ng isang limang kataong pamilya upang mabuhay ng maayos. (ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *