Sunday , March 7 2021
Breaking News
You are here: Home / Hataw Lifestyle / Tricycles sa Malabon, Navotas balik-pasada na
Tricycles sa Malabon, Navotas balik-pasada na

Tricycles sa Malabon, Navotas balik-pasada na

INIANUNSIYO ni Malabon Rep. Jaye Lacson-Noel na magbabalik operasyon na ang mga tricycle drivers sa lungsod ng Malabon at Navotas matapos pagbawalan noon dahil sa CoVid-19 pandemic.

Aniya, ito’y matapos pirmahan ang memorandum of agreement (MOA) sa pagitan nina Navotas Mayor Toby Tiangco at Malabon Mayor Lenlen Oreta na nagpapahintulot sa balik-operasyon ng mga tricycle drivers.

“Para sa ating commuters at tricycle drivers mula sa lungsod ng Malabon at Navotas, good news po dahil pirmado na ang MOA sa pagitan ng dalawang lungsod na pinahihintulutan ang balik-operasyon at pamamasada ng mga tricycle drivers,” ani congresswoman Lacson-Noel.

Ayon sa kongresista, sadyang naapektohan ang napakaraming tricycle drivers at commuters mula sa dalawang magkapitbahay na lungsod nang ipagbawal ang pamamasada nito sa gitna ng CoVid-19 pandemic.

Bukod sa mas mapadadali ang biyahe ng mga manggagawa mula sa Malabon at Navotas, mag­babalik na rin ang kabuhayan ng tricyle drivers, ayon kay Congw. Jaye na hindi rin tumigil, ka-partner ang alkalde ng lungsod at ang kanyang lifetime-mate at m’yembro rin ng Kongreso, si An-Waray Party-list Rep. Bem Noel, sa pagbibigay ng ayuda at trabaho sa mga maralitang tagalungsod.

“Thank you sa ama ng ating lungsod Lenlen Oreta at ama ng Navotas Toby Tiangco! Patunay ito na kasunod ng ating pagkakaisa ay kaginhawaan para sa ating mga nasasakupan!” ani Congw. Jaye.

Sinabi ng mambabatas, sa ilalim ng MOA, mahalagang may permit at sticker ng magkabilang lungsod ang mga pampasadang tricycle units upang maayos silang makabiyahe.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top