Sunday , March 7 2021
Breaking News
You are here: Home / News / Pulis, lover, tiklo sa droga (Sa Camarines Norte)
Pulis, lover, tiklo sa droga (Sa Camarines Norte)

Pulis, lover, tiklo sa droga (Sa Camarines Norte)

ARESTADO ang isang pulis at kaniyang kasinta­han sa isang search operation na ikinasa ng mga awtoridad sa bayan ng Daet, lalawigan ng Camarines Norte, nitong Miyerkoles ng umaga, 20 Enero.

Kinilala ni P/Lt. Col. Chito Oyardo, hepe ng Daet police, ang nadakip na suspek na si P/SMSgt. Jacky Palomar, 40 anyos, nakatalaga sa 2nd Police Mobile Force Company ng lalawigan, at kaniyang nobyang si Mylene Delos Reyes, 29 anyos, napag-alamang mga miyembro ng Rey Gutierrez Drug Group.

Sa operasyong ikinasa dakong 11:45 am kahapon, sa Brgy. Magang, sa natu­rang bayan, nakompiska mula sa mga suspek ang 50 gramo ng hinihinalang shabu na tinatayang nagkakahalaga ng P350,000, 9mm baril, may 15 bala, at isang ninakaw na Toyota Hilux.

Ayon kay Oyardo, isinailalim sa sa surveillance si Palomar matapos ikanta ng mga naarestong drug suspects na sangkot sa operasyon ng grupo.

Napag-alamang pino­proteksiyonan umano ni Palomar, na 18 taon na sa PNP, ang operasyon ng grupo kaya nakokom­promiso ang mga anti-illegal drug operations sa lalawigan.

Nabatid na hiwalay si Palomar sa legal niyang asawa at kasalukuyang nakatira sa bahay ni Delos Reyes.

About hataw tabloid

Leave a Reply

Your email address will not be published. Required fields are marked *

*

Scroll To Top