Saturday , February 27 2021
Breaking News
You are here: Home / News / Kanselasyon ng 1989 UP-DND accord diskarte ni Lorenzana (Duterte ‘di kinonsulta)

Kanselasyon ng 1989 UP-DND accord diskarte ni Lorenzana (Duterte ‘di kinonsulta)

ni ROSE NOVENARIO

SARILING diskarte ni Defense Secretary Delfin Lorenzana at hindi ikinonsulta kay Pangulong Rodrigo Duterte ang pagkansela sa 1989 UP-DND Accord, ang kasunduang nagbabawal sa mga pulis at militar na pumasok at kumilos sa loob ng mga campus ng University of the Philippines (UP).

Inamin ito ni Presidential Spokesman Harry Roque isang araw matapos ihayag na suportado ng Pangulo ang naging pasya ni Lorenzana.

“As far I know, he [Defense Secretary Delfin Lorenzana] did not,” aniya nang tanungin kung ipinaalam ni Lorenzana kay Duterte ang desisyon, sa The Source sa CNN Philippines kahapon.

“It was a decision of the DND as a party to that contract between UP and DND,” dagdag niya.

Inalok ni Roque ang kanyang tanggapan para mamagitan sa inaasa­hang dialogo nina Loren­zana at UP President Danilo Concepcion hinggil sa kontrobersiyal na kasunduan.

“I’m asking the DND Secretary and the president of UP to sit down and I’ve offered my good office to facilitate this meeting,” aniya.

“All I’m saying is let’s talk about this, I support the steps of the UP president, and let’s see why a 30-year old accord should not be continued when it has worked apparently well for the past 30 years,” ani Roque.

Bagama’t bukas si Lorenzana sa pakikipag-usap kay Concepcion, nais niyang sagutin ng liderato ng UP kung bakit mga estudyante ng paman­tasan ang ilan sa mga rebeldeng kasapi ng New People’s Army (NPA) ang nasawi sa mga enkuwen­tro sa militar sa iba’t ibang panig ng bansa.

Nauna rito’y idina­hilan ni Lorenzana na ‘safe haven’ ng mga kaaway ng estado ang UP kaya nagpasya siyang tuldukan ang 1989 UP-DND Accord.

About Rose Novenario

Leave a Reply

Your email address will not be published. Required fields are marked *

*

Scroll To Top