Friday , March 29 2024

Isinarang 3 LRT-2 stations sa sunog, balik-operasyon na

INIANUNSYO ni Light Rail Transit Authority (LRTA) Spokesperson Atty. Hernando Cabrera na magbabalik-operasyon na ngayong linggong ito ang tatlong estasyon ng LRT Line 2, na pansamantalang isinara noong 2019 dahil sa sunog na tumupok sa power rectifier ng rail line sa Quezon City.

Ayon kay Cabrera, maaari nang mag-operate muli ang kanilang Santolan, Katipunan, at Anonas stations dahil natapos na ng kanilang engineering department at ng contractor ang setup sa kanilang temporary power facilities.

Sa kasalukuyan, aniya, ay nagsasagawa sila ng ‘simulation’ ng operasyon sa tatlong bubuksang estasyon upang makakuha ng safety clearance para sa pagbabalik ng kanilang serbisyo.

Gayondin, inihahanda na rin umano nila ang kanilang staff, personnel sa ticketing, security, at maintenance.

“Kailangan nating i-test ang ating mga tren, ‘yung takbo nila. I-prepare na rin natin ‘yung mga staff ‘yung ating personnel sa ticketing, sa security, sa maintenance para makuha natin ‘yung tinatawag nating safety clearance,” ani Cabrera.

“Ang target natin makuha natin within the week ‘yung tinatawag natin na safety clearance. Within the week din mabalik natin ang operasyon na kasama na ‘yung mga pasahero,” aniya.

Kaugnay nito, sinabi ni Cabrera na dahil gagamit ang mga estasyon ng temporary power supply, ang bilis o speed ng mga tren ay mas mabagal at magiging mas matagal ang interval o agwat ng mga biyahe.

“Kailangan mong i-balance o i-maintain, bantayang mabuti ‘yung number of trains na nandito sa segment na ito, magmula Anonas hanggang Santolan,” dagdag ni Cabrera.

“Kasi kapag nasobrahan mo ‘yung tren na nandito sa loob ng segment na ‘yun, puwedeng maiwasan ‘yung power tripping ng ating sistema,” paliwanag niya.

Tiniyak ni Cabrera na mahigpit nilang ipatutupad ang umiiral na health protocols sa mga estasyon para maiwasan ang pagkalat ng coronavirus disease 2019 (CoVid-19).

Matatandaang noong Oktubre 2019, sinuspendi ng LRT-2 ang operasyon ng naturang tatlong estasyon nang masunog ang power rectifier sa Katipunan area at maputol ang power supply para sa mga tren. (ALMAR DANGUILAN)

About Almar Danguilan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *