Tuesday , March 19 2024

BSP Gov. Diokno, opisyal ng BAC, kinasuhan sa Ombudsman

PATONG-PATONG na kasong kriminal at administratibo ang kinakaharap ngayon ni Bangko Sentral ng Pilipinas (BSP) governor Benjamin Diokno at mga opisyal ng Bids and Awards Committee (BAC) dahil sa maanomalyang kontrata ng National ID System.

Sa reklamong inihain ni Ricardo Fulgencio IV ng Stop Corruption Organization of the Philippines Inc., nilabag umano ni Diokno nang pirmahan ang kontrata at mga opisyal ng BSP Bids and Awards Committee kahit labag sa Government Procurement Reform Act at Anti Graft Corrupt Practices Act.

Dawit sa kaso sina Prudence Angelita Kasala na Chairperson ng BAC; BSP Security Plant Complex head, Rogel Joseph Del Rosario, director ng BSP; Carl Cesar Bibat na tumatayong Acting Production Manager ng BSP Security Plant Complex; Marianne Santos, Vice Chairman ng BAC; Salvador Del Mundo, at Giovanni Israel Joson na kapwa member ng BAC.

Nag-ugat ang kaso matapos matuklasan ni Fulgencio na may pinaborang kontraktor ang BSP Bids and Awards Committee na mayroong espisipikong brand ng mga materyales ang gagamitin sa Procurement ng National ID and Data System.

Maliwanag umanong paglabag ito sa Section 10 at Section 18 na nagbabawal sa espisipikong pangalan ng anomang produkto sa mga bidding sa pamahalaan.

Aminado si Fulgencio na nakalap lamang niya ang mga ebedensiya sa news clippings na naglabasan noong nakaraang taon.

Sumulat din umano siya sa Bangko Sentral ng Pilipinas upang humingi ng mga dokumento ngunit ipinasa siya sa nanalong bidder na All Card International bagay na hindi rin naman siya binigyan ng mga kailangan niyang papel.

Dahil dito, nagdesisyon siyang maghain ng reklamo sa Ombudsman at hiningi na maglagay ng isang Field Investigator para silipin ang kontrata ng BSP sa National ID and Data System.

(ALMAR DANGUILAN)

About Almar Danguilan

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *