Thursday , February 25 2021
Breaking News
You are here: Home / Opinion / PPE kailangan ng frontliners sa NAIA
PPE kailangan ng frontliners sa NAIA

PPE kailangan ng frontliners sa NAIA

BINALOT ng kaba ang mga taga-Bureau of Immigration (BI) sa NAIA Terminal 3 matapos lumabas ang balita na sa kanila dumaan ang unang pasahero na positibo sa UK coronavirus variant.

Sa isang ulat ng Department of Health, sinabi ni DOH Secretary Francisco Duque III na isang 29-anyos businessman at residente sa Kamuning, Quezon City ang nagpositibo sa naturang virus.

Lumipad papuntang Dubai, United Arab Emirates (UAE)  ang Pinoy noong 27 Disyembre at muling bumalik noong 7 Enero ng kasalukuyang taon na dumaan sa ilang Primary Officers na walang Personal Protective Equipment (PPE).

Gayonman, matapos ma-swab-test sa airport ay kaagad dinala sa quarantine facility para sumalang sa 14-day isolation upang obserbahan at mabigyang lunas kung sakali.

Sa panig ng BI-Port Operations Division, agad  nagbigay ng direktiba sa mga Primary Officers na dinaanan ng pasahero na sumailalim din sa quarantine period na itatakda para sa kanila.

Noon pa man ay nananawagan na tayo na dagdagan ng BI ang kanilang proteksiyon sa kanilang mga tauhan.

Hindi biro-biro ang tamaan ng nasabing sakit lalo pa at nagkakagulo pa ang gobyerno kung sino sa mga kompanya ng Pfizer, Astra-Zenica, at Sinovac ang unang makapagpaparating ng kanilang bakuna.

Kung sakali ay sa Marso pa darating ang pinaka-unang batch ng CoVid vaccine sa ating bansa at wala pang nakatitiyak kung magiging epektibo ito sa mga Pinoy?

Kinakailangan din na aprobado ng FDA at DOH bago pa man isalin sa frontliners na unang tatanggap ng ayuda ‘este bakuna.

Sana lang, ang kompanya ng Pfizer, ang unang makapagparating ng kanilang produkto.

Marami kasi ang natatakot sa vaccine ng Sinovac na alam naman ng lahat na priority ng administrasyon.

May mga nakausap din tayo na kahit medical practitioners sa bansa ay hindi sumasampalataya sa produkto ng mga Tsekwa?!

May mga kaso raw ng side effects ang dulot ng Sinovac kompara sa vaccines na nagmula sa Estados Unidos at Europa.

Since ilang buwan pa nga bago umabot sa atin ang mga bakuna, kung maaari sana ay huwag magpabaya at maging kompiyansa ang ating frontliners sa airport tungkol sa kanilang kaligtasan!

Sabi nga ng mga born again “Beks” sa airport; “Avoid Touching MEN!”

Mouth – eyes – nose.

 

ANO ANG MAGIGING
“FUTURE” NG DALAWANG
WHISTLEBLOWER?

KAHIT pa nga pansamantalang nanahimik ang isyu tungkol sa ‘pastillas’ ay hindi maiwasan pag-usapan kung ano na ang estado ng dalawang tumayong whistleblowers na sina Immigration Officers Allison “Alex” Chiong at Jeffrey Dale Ignacio.

Noong kasagsagan ng pastillas senate inquiry ay buong tapang na nanindigan ang dalawang testigo sa kanilang ipinaglalaban. Asap mo’y totoo ang prinsipyong ipinaglalaban?

Ayon sa dalawang whistleblower, ang kanilang partisipasyon daw ay dala ng kanilang pagiging sundalong kanin ‘este foot soldiers at sila ay napag-utusan lang.

Talaga lang ha!

Kaya pala may sariling condo at kotse agad itong si Ignacio?

Nag-trending ora mismo ang kanilang kabayanihan at nakuha ang simpatiya ng madlang pipol.

Sa mga nakapanonood ng eksena sa senado, tila sing-bangis ng tigre ang tapang ni Chiong at buong gilas na pinangalanan ang mga personalidad na sangkot sa naturang eskandalo.

Maliban kay Ignacio na kulang na lang ay manalo sa FAMAS ang acting na ipinakita

Maging tayo ay hindi makapaniwala sa mga katagang nasambit nila dahil totoo man ito o hindi, ang bawat pangalan na isinangkot ng dalawang whistleblowers ay yuyurak sa dangal ng bawat masasambit!

Somehow ay bumilib din tayo dahil buong akala natin ay todo dipa ang kanilang pinag­kumpisalan.

Lumipas ang ilang buwan at gaya ng inaasahan, tuluyan naisampa ang kaso sa Office of the Ombudsman. Maraming opisyal ng POD at mga miyembro nito ang inasunto at haharap sa kasong kriminal at administratibo.

Biglang tahimik rin ang kampo ni Senadora Risa Hontiveros na nanguna sa ginawang imbestigasyon.

Sa panig ng dalawang whistleblowers, wala na rin tayong naririnig maliban sa nakarating sa atin na nagsisisi raw si Ignacio.

Lalo na at nalaman niya na “shoot sa balde” ang pangarap niyang maging state witness sa kaso!

Ito lang kasi ang natatanging paraan upang hindi niya maranasang humimas ng rehas sa oras na mapatunayan sa korte ang kanyang involvement sa Taiwanese national na biktima ng human trafficking.

Samantala, pagdating kay Chiong, tila malabo rin daw itong pumasa na state witness pagdating sa korte?

Hindi sapat ang kanyang pangungumpisal upang mapagtakpan ang kanyang pagiging principal partisipasyon niya sa ‘pastillas scheme!’

Kahit pa nga si “Hudas” sa Biblia ay nagsisi rin sa kanyang pagkakasala kaya napilitan nang tapusin ang kanyang buhay.

At dahil isa rin siya sa mga kumita ‘este gumanap sa lantarang pagpapalusot ng mga pasahero kaya naman gaya rin ng kakosa niyang si Ignacio, hindi imposible ang magiging kambal na kapalaran nina Chiong at Ignacio!

Human trafficking na maliwanag!

Gaya ng madalas nating mabanggit dati pa, maliban kay Sandra Cam, wala na tayong nabalitaan na naging whistleblower na gumanda ang kapalaran.

Puwede naman mamili silang magpakners kung sakali. Nandiyan ang Kwerna, Sige-sige BnG o Commando sa Maximum compound.

Reclusion perpetua ang destinasyon kung mamalasin ang dalawa…

Tsk tsk tsk…

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top