Friday , March 29 2024

Daniel, ibinuking dahilan ng pagiging sexy ni Kathryn pinagpaguran niya ‘yan, mamatay-matay na sa pagod

HINDI muna nagbigay ng yes or no na sagot si Daniel Padilla kung isa siya sa mag-a-avail ng COVID19 vaccine kapag dumating na sa Pilipinas ang inorder ng gobyerno.

Sa finale blogcon ng iWantTFC series na The House Arresto of Us nila ni Kathryn Bernardo ay natanong ito kung ano ang take niya rito.

”It’s a good question pero masyadong mainit at baka mapaso tayo. So, maghihintay pa tayo ng mga detalye about sa vaccine dahil hanggang ngayon naman ay hindi pa napa-finalize kung ano ang mangyayari. So huwag muna tayong magsalita ng hindi pa finalize ang mga bagay at baka mapaso tayo sa niluluto natin,” nakatawa pero seryosong sagot ng binata.

Tama naman din dahil hanggang ngayon nga ay pinagde-debatihan pa kung anong bakuna ang mas epektibo. Pero sabi nga ni Senator Grace Poe –Llamanzares na ang taumbayan ang may karapatang mamili kung ano ang gusto nila dahil pera naman nila ang ipambabayad nila.

Anyway, sa Boracay beach nag-Bagong Taon sina Daniel at Kathryn kasama ang kani-kanilang mga pamilya kaya naman noong i-post ng dalaga ang sexy photos niya ay marami ang humanga kaya ang tanong ay mabuti’t pinayagan siya ng boyfriend niya.

“’Yung iba nga siya pa ang nag-picture roon. Okay naman si DJ, hindi naman na siya masyadong strict compared before at alam ko rin naman kung hanggang saan (ipakikita),” kuwento ng dalaga.

Sinabi naman ni Daniel, ”Pinagpapaguran niya talaga ‘yun (work out), mamatay-matay na sa pagod.”

At sa pagtatapos ng #THAOUFinaleEpisode bukas, Sabado, Enero 16, 2:00 p.m. sa KTX.ph at 9:00 p.m. sa iWantTFC at TFC IPTV ay natanong kung may sequel ito.

Ayon kay Direk Richard Arellano”Siguro ‘House to house Arrest (titulo).’ Dine-develop na sa mga kuwentuhan namin. Tinitingnan namin ang mga possibilities, puwedeng out of the country, sa season 3 siguro ‘yan.

“Out of town muna ‘yung season 2. Maraming naglalaro sa mga utak namin actually, ng buong cast, nagbi-brainstorm kahit paano kapag nagkikita-kita kami kasi excited kami na magkaroon ng season 2 ang ‘The House Arrest of U.’

At sa tanong kung magkakaroon na ng anak sina Q at Korics sa sequel? ”Depende sa dalawa kung gusto na nilang magkaroon ng baby,” sagot ng direktor.

FACT SHEET
ni Reggee Bonoan 

 

 

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *