Sunday , March 7 2021
Breaking News
You are here: Home / News / Ilang aktibidad sa pista ng Sto. Niño sa Tondo, kinansela
Ilang aktibidad sa pista ng Sto. Niño sa Tondo, kinansela

Ilang aktibidad sa pista ng Sto. Niño sa Tondo, kinansela

MATAPOS ang paggunita sa kapistahan ng Poong Itim na Nazareno, ang kapistahan ng Poong Sto. Niño de Tondo naman ang susunod na babantayan.

Ayon sa Archdiocesan Shrine of Sto. Niño na ipagbabawal rin nila ang prusisyon at motorcade sa Linggo na nakasanayan nang isinasagawa.

Taon-taon ay dinarayo ang simbahan ng mga debotong may bitbit ng kanilang mga imahen ng Sto. Niño at ipinaparada ito sa kalsada sa Tondo.

Ngayong taon, hindi rin isasagawa ang pagbabas ng mga imahen sa labas ng simbahan para maiwasan ang kumpolan ng mga deboto bagkus sa loob ito gagawin at magpapatupad ng 30% kapasidad sa simbahan.

Ayon kay Bishop Broderick Pabillo, katulad sa Quiapo ay hindi rin ikakansela ang physical masses sa Tondo church.

Samantala sa Basilica Minore de Cebu, kinansela ang physical masses sa loob ng simbahan sa Cebu simula nitong Martes hanggang sa pista sa Linggo.

Tanging ang online mass sa Facebook ng Basilca Minore del Santo Niño de Cebu ang isina­sagawa.

About hataw tabloid

Leave a Reply

Your email address will not be published. Required fields are marked *

*

Scroll To Top