Friday , February 26 2021
Breaking News
You are here: Home / News / Magdyowang tulak sa Pampanga nasakote sa buy bust ops
Magdyowang tulak sa Pampanga nasakote sa buy bust ops

Magdyowang tulak sa Pampanga nasakote sa buy bust ops

HINDI nakapalag ang magkasintahang hini­hinalang mga tulak na kinilalang sina Danilo Darieles, alyas Dada, 39 anyos; at Rastly Joyce Alfonso, 34 anyos, kapwa residente sa Sta. Lucia, sa bayan ng Sasmuan, lalawigan ng Pampanga.

Nasukol ang dalawa nang ma-flat ang gulong ng kanilang getaway car na Mitsubishi Mirage G4, may conduction sticker number B5-P798 dahil sa tama ng bala.

Nakompiska mula sa magdyowa ang 13 gramo ng hinihinalang shabu na nagkakahalaga ng P88,000 at P1,000 marked money sa inilatag na anti-narcotics operation ng mga elemento ng Mexico at San Fernando City PNP sa pangunguna ng mga operatiba ng Pampanga Drug Enforcement Unit sa nasabing lugar.

Matapos iabot sa bahagyang bukas na bintana ng kotse ng mga suspek ang order ng poseur buyer kapalit ng pera, mabilis na pinaarangkada ang kanilang getaway car nang matunugang awtori­dad ang nakatransaksiyon saka nag-umpisa ang habulan.

Dahil sa paggitgit at pag-ipit sa kotse ng mga suspek ng mga humahabol na mga operatiba ay nabangga nito ang concrete barrier sa kahabaan ng Olongapo-Gapan Road hanggang sumadsad sa ibabaw ng flyover sa intersection nang barilin ng mga pulis ang hulihang gulong nito.

Nagtangka pang tumakas ang mga suspek na mabilis bumaba sa sasakyan at kumaripas ng takbo pababa sa flyover, ngunit naharang ng mga nagrespondeng taong bayan saka isinuko sa pulisya.

(RAUL SUSCANO)

About Raul Suscano

Leave a Reply

Your email address will not be published. Required fields are marked *

*

Scroll To Top