Friday , May 14 2021
Breaking News
You are here: Home / Showbiz / Mike Tan, hands-on sa pagpapalaki sa mga anak
Mike Tan, hands-on sa pagpapalaki sa mga anak

Mike Tan, hands-on sa pagpapalaki sa mga anak

SA isa sa mga interbyu namin kay Mike Tan, tinanong namin siya kung ano na ang pinakagrabeng nagawa niya nang dahil sa pag-ibig.

“Hindi pinakagrabe kundi pinakamagandang nagawa ko. Mag-antay at pakasalan ang asawa ko bago kami nagkaanak.”

Kumusta maging tatay, ano ang pakiramdam?

“Alam mo, everytime na tinatanong ako niyan noon hanggang ngayon nahihirapan akong sumagot. 

“Kasi sobrang daming emosyon ang nararamdaman ko noon bilang tatay na isa pa lang ang anak ko hanggang ngayon na dalawa na ang anak namin ng asawa ko. 

“Masaya ako na naaalagaan ko ang mag-nanay ko. At hands-on ako sa pagpapalaki sa mga anak ko. 

“Alam mo ‘yung galing ka ng trabaho tapos gusto mo pa siyang kunin at kargahin pero tulog na siya at bawal na siyang gambalain at baka magising. Tapos galing pa ako ng taping so, hindi ko pa siya puwedeng hawakan.”

Noon ‘yun, noong wala pang pandemya, ngayon na mayroon tayong pinagdadaanang corona virus pandemic, todo-ingat si Mike, tulad ng karamihan, nagku-quarantine muna siya at nagpapa-swab test bago umuwi sa kanyang pamilya kapag galing sa taping.

Paano binago ng fatherhood ang pagkatao ni Mike?

“Priorities mo talaga at goal sa buhay, mag-iiba. Pero bago pa man din kasi ako nag-asawa at nagkaanak binago ko na rin naman talaga ‘yung lifestyle ko para handa na ako bago pa ako maging ama.”

Samantala, abangan ang panibagong episode ng Magpakailanman na  Krimen Ng Isang Ina tampok sina Mike at Rochelle Pangilinan. 

Abangan ang pagsasama ng Sexbomb girl at StarStruck Ultimate Male Survivor ngayong Sabado, 8:15 p.m..

May hashtag ito na #MPKKrimenNgIsangIna, ang Magpakailanman sa GMA ay hosted by Ms. Mel Tiangco.

Rated R
ni Rommel Gonzales

About Rommel Gonzales

Leave a Reply

Your email address will not be published. Required fields are marked *

*

Scroll To Top