Tuesday , April 13 2021
Breaking News
You are here: Home / Showbiz / Kim, matapos maging kabit, magiging pantasya naman
Kim, matapos maging kabit, magiging pantasya naman

Kim, matapos maging kabit, magiging pantasya naman

ISANG matamis na role bilang Dulce ang gagampanan ni Kim Rodriguez sa nalalapit na GMA News TV fantasy romance series na  The Lost Recipe.

“Ako ang may hawak ng mahiwagang libro na nakasaad ang magic sa pagluluto nina Conchita at Consuelo. Siyempre, marami pa silang aabangan dahil paiba-iba (ang) character ko,” kuwento ni Kim.

Ang The Lost Recipe ang first regular show ni Kim na may element ng fantasy. Ibang-iba ito sa nakaarang roles ng aktres na karamihan ay kontrabida.

Naging challenging ito sa kanya dahil mas detalyado ang mga eksena at dahil fantasy, may special effects kaya kailangang ulitin ang takes.

“First time ko magkaroon ng regular show na fantasy kasi usually ako ang nang-aaway at kabit sa past roles ko. Masaya kami sa shoot. Matrabaho lang para sa aming direktor dahil may magic and kailangan mag-green screen. So, kailangan kung ano ka noong unang take dapat consistent ‘yung emotion mo kasi uulit-ulitin para sa effects.”

Ang The Lost Recipe ay pagbibidahan nina Mikee Quintos at Kelvin Miranda. Iikot ang kuwento nito sa love, time travel, at culinary world. Malapit na itong mapanood sa GMA News TV.

COOL JOE!
ni Joe Barrameda

About Joe Barrameda

Leave a Reply

Your email address will not be published. Required fields are marked *

*

Scroll To Top