Friday , March 29 2024
dead gun police

Usurero itinumba ng riding-in-tandem (Pera tinangay)

PATAY ang isang usurero matapos pagbabarilin ng hindi kilalang riding-in-tandem bago tinangay ang kanyang bag na naglalaman ng hindi matukoy na halaga ng pera sa Malabon city, kamakalawa ng hapon.

Dead on-the-spot ang biktimang kinilalang si Rodolfo Carpentero, 46 anyos, kilalang nagpapautang sa lugar at residente  sa Kaunlaran St., Brgy. Muzon, sanhi ng mga tama ng bala sa ulo.

Kaagad ipinag-utos ni Malabon City Police chief, Col. Angela Rejano ang imbestigasyon sa posibleng pagkakilanlan at pag-aresto sa mga suspek.

Batay sa pinagsamang ulat nina P/SSgt. Jose Romeo Germinal at P/Cpl. Michael Oben, dakong 4:40 pm, nang maganap ang pananambang sa biktima sa kanto ng Kaunlaran at Kagitingan streets, Brgy. Muzon ng nasabing siyudad.

Nakatayo umano ang biktima sa gilid ng kanyang electric bike (e-bike) nang lapitan ng suspek saka pinagbabaril sa ulo na nagresulta ng kanyang kamatayan.

Matapos ang pamamaril, kinuha ng suspek ang sling bag ng biktima na naglalaman ng hindi pa matukoy na halaga ng pera bago naglakad patungo sa kanyang kasama na nagmamaneho ng motorsiklo saka mabilis nagsitakas patungo sa Gov. Pascual, sa Brgy. Baritan.

Agad nagsagawa ng dragnet operation ang mga tauhan ng SS7 ngunit nabigong madakip ang mga suspek habang narekober ng nagrespondeng mga tauhan ng SOCO sa crime scene ang apat na basyo ng bala mula sa hindi pa matukoy na kalibre ng baril. (ROMMEL SALES)

About Rommel Sales

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *