Thursday , March 28 2024

Lamay bawal sa loob ng bahay — Belmonte

NAGBABALA ang pamahalaang lokal ng Quezon City sa mga opisyal ng barangay at kawani ng punerarya na papatawan ng parusa ang gaganaping lamay sa loob ng tahanan ng mga namatayan dahil ang ganitong mga aktibidad ay maaaring maging dahilan ng pagkalat ng impeksiyon ng coronavirus.

Ayon kay QC Barangay Community Relations Department (BCRD) head Ricky Corpuz, ang desisyong hindi payagan ang mga lamay sa kabahayan ay sanhi ng mga sumbong sa kanyang tanggapan na may ilang mga barangay ang luma­labag sa kautu­san laban sa mass gathering o pagtitipon-tipon ng mga tao sa gitna ng nagpapatuloy na pandemya.

Binalaan ni Quezon City mayor Maria Josefina Tanya ‘Joy’ Belmonte ang mga barangay at punerarya na papatawan sila ng multa kapag nilabag nila ang Ordinance No. SP-2907, S-2000, na nagbaba­wal ng pagsasagawa ng lamay sa mga tahanan.

“What we are trying to avoid is crowded wakes where a potential surge can occur. While we understand that we should accord grieving families the right to pay their last respects, the virus is still there to wreak havoc and could ruin even our Christmas celebration. So if we can limit the wake to the immediate family and in a controlled environment, then we can avert the spread of the virus,” punto ni Belmonte.

Sa ilalim ng nabanggit na ordinansa, pinapayagan ang lamay ng dalawang araw sa loob ng mga punerarya, community mortuary, o kapilya kung ang namatay ay negatibo sa CoVid-19. Bukod dito, ang mga immediate family member lamang ang papayagang dumalo sa libing o cremation.

Papatawan ang mga lalabag na punerarya sa lungsod ng halagang P5,000 sa bawat pagla­bag at pagkansela ng kanilang business permit.

Sinabi rin ng alkalde na papatawan din sa ilalim ng ordinansa ang mga lalabag ng katumbas na multang P5,000 o pagkakakulong ng hindi hihigit sa anim na buwan  sa kautusan ng korte.

“We remind the family of the deceased that wakes are strictly allowed only in funeral parlors and not at home. It hasn’t changed since the enhanced community quarantine (ECQ) days,” ani Corpuz.

“There are a lot of funeral parlors saying that if they get barangay clearance, they will conduct the wakes at the family’s homes,” dagdag nito. (TRACY CABRERA)

About Tracy Cabrera

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *