Saturday , February 27 2021
Breaking News
You are here: Home / News / P1-B uutangin ng Parañaque para sa bakuna kontra CoVid-19
P1-B uutangin ng Parañaque para sa bakuna kontra CoVid-19

P1-B uutangin ng Parañaque para sa bakuna kontra CoVid-19

HIHIRAM muli ng karagdagang P1-bilyon sa banko ang pamahalaang lokal para mabakunahan ang lahat ng lehitimong residente ng Parañaque bukod sa nakalaang P250-milyong pondo para ipambili ng CoVid-19 vaccines.

Inihayag ni Parañaque City Treasurer Anthony Pulmano, na mayroong inilaan ang administrasyon ni Mayor Edwin Olivarez na P250 milyong pondo ngayong 2021 para pambili ng bakuna kapag duma­ting na sa bansa at kung mayroon na rin sa merkado.

Paliwanag ni Pulmano, halos 300,000 residente ng lungsod ang mababakunahan ngayong taon kapag nakabili ng bakuna ang lokal na pamahalaan mula sa iba’t ibang pharmaceutical company mula sa abroad.

Ang hihiraming P1 bilyon sa Landbank of the Philippines ay para may ‘standby’ funds na ilalalan sa pagbabakuna.

“Dapat wala nang maiwan. Lahat ng residente ng lungsod, mahirap man o mayaman, dapat mabakunahan hanggang sa 2022,” ani Pulmano.

Aniya, sa nakaraang limang taon, ang pama­halaang lungsod ay hindi nagkakaroon ng utang mula sa mga institusyon o banko matapos ganap na maba­yaran ang utang ng nakaraang adminis­trasyon.

Dagdag niya, kahit ang Parañaque ay hindi kasama sa mga lungsod sa Metro Manila na nagpakita ng pagtaas ng kaso ng CoVid-19 sa nagdaang tatlong linggo, ang mga residente ng lungsod ay dapat pa rin protektahan mula sa virus kasama ang bagong coronavirus variant na nagmula sa United Kingdom.

(JAJA GARCIA)

 

About Jaja Garcia

Leave a Reply

Your email address will not be published. Required fields are marked *

*

Scroll To Top