Tuesday , June 22 2021
Breaking News
You are here: Home / Showbiz / Rosanna Roces 5 movies nilagari, nasa Viva na (Super blooming ang career sa pandemya)
Rosanna Roces 5 movies nilagari, nasa Viva na (Super blooming ang career sa pandemya)

Rosanna Roces 5 movies nilagari, nasa Viva na (Super blooming ang career sa pandemya)

KAHIT may CoVid-19 at matagal nagkaroon ng lockdown at nawalan halos lahat ng trabaho ang mga artista, masuwerte si Rosanna Roces at nakagawa siya ng limang sunod-sunod na pelikula tulad ng “Paglaki Ko Gusto Kong Maging Pornstar” kasama sina Alma Moreno, Maui Taylor, Ara Mina, at bagong lunsad na sexy star na si AJ Raval, advocacy film na idinirek ni Joven Tan, Suarez; The Healing Priest na title role si John Arcilla at gagampanan naman ni Rosanna ang character ng nanay ni Jairus Aquino na nag-akusa kay Father Fernando Suarez ng panggagahasa pero nalinis naman ng pari ang pangalan bago siya mamatay.

Kalahok sa MMFF 2020 Digital Edition ang film nilang ito.

Isa pang movie ni Osang ang “Anak ng Macho Dancer” at siya ang martir na nanay rito ng bidang baguhang aktor na si Sean de Guzman.

Join na rin ang mahusay na actress sa paggawa ng in vogue ngayong BL Series (Boy Love Story) at siya rin ang mother ng gumaganap na Gay sa “Happenstance” na GagaOOLala original series ni Direk Adolf Alix, Jr.

Humabol bago magtapos ang 2020 ang isa pang magandang proyekto para kay Osang ng young blockbuster director na si Darryl Yap na KPL o Kung Pwede Lang —- ang dating digital short film na naging controversial pero umani ng 10 million views na ginawang series ng Viva.

Makakasama ni Rosanna sa KPL sina Dexter Doria, Dennis Padilla, Carlyn Ocampo, at Loren Montemayor Mariñas (Original KPL Ghorl) at actor na si Bob Jbeili. Gandang-ganda si Osang sa magiging role niya rito.

And finally isa pang malaking blessing ang dumating sa actress ay parte na siya ng Viva Family ni Boss Vic del Rosario. Kasama ng kanyang abogadong si Atty. Argee Guevarra ay nagkaroon sila ng pictorial sa office ng Viva.

Next year o sa 2021 itinakda ang contract signing rito ni Rosanna na feeling heaven, dahil bukod sa sunod-sunod na biyayang bigay sa kanya ng Itaas, ay buo ang kanyang pamilya na this year nga ay nagkabati sila ng kanyang bunsong si Onyok.

Magkakasama silang ise-celebrate ang Pasko at Bagong Taon with the only one partner in life ni Ms. O na si Blessy Arias o Boy George.

Nakapagpasaya rin sa actress ang Christmas gift na imported dog sa kanya ng kaibigang si Darryl Yap, na director niya sa Paglaki Ko, Gusto Kong Maging Pornstar. Heto pa, although hindi pa detalyado ay mga award-winning sequel movies ang gagawin ni Osang this 2021.

Isa rito ay makakasama niya ang sikat na Kapamilya young actor.

VONGGANG CHIKA!
ni Peter Ledesma

About Peter Ledesma

Leave a Reply

Your email address will not be published. Required fields are marked *

*

Scroll To Top