Monday , January 25 2021
Breaking News
You are here: Home / Showbiz / Lumang klase ng comedy nina Andrew, Janno, Jerald, at Dennis, patok sa millennials; Trailer, umabot agad sa mahigit 20M
Lumang klase ng comedy nina Andrew, Janno, Jerald, at Dennis, patok sa millennials; Trailer, umabot agad sa mahigit 20M

Lumang klase ng comedy nina Andrew, Janno, Jerald, at Dennis, patok sa millennials; Trailer, umabot agad sa mahigit 20M

HINDI inaasahan ng Pakboys: Takusa na sina Andrew E, Janno Gibbs, Jerald Napoles, at Dennis Padilla na aabutin ng mahigit sa 20M views ang trailer nila na ipinost ng Viva Films kasi nga naman ang estilo ng pagpapatawa ng pelikula nila ay luma o old school.

Ito kasi ang gustong mangyari ni Viva big boss, Vic del Rosario na ibalik ang lumang estilo ng comedy film dahil marami ang naghahanap nito at sumakto naman dahil ito rin ang forte ng apat na bida at ni Direk Al Tantay.

Sa ilang buwan ng pandemya, naghahanap ang mga tao ng ibang mapapanood dahil nauta na sila sa mga balita tungkol sa Covid19, sa paulit-ulit na krimeng nangyayari sa bansa at higit sa lahat, baka napanood na rin ng lahat ang mga pelikula sa Netflix.

Positibo ang pananaw ng apat na bida ng Pakboys: Takusa at labis silang nagpapasalamat sa tumangkilik ng trailer ng pelikula  kaya umabot sa mahigit 20M views.

“Nagpapasalamat kami kahit sa millennials, new generation viewers dahil na-appreciate nila ana aming pagpapatawa at pagpapasaya kaya very proud kami na umabot kami sa 20M million views and I hope ma-convert namin ‘yan sa ticket,” say ni Dennis.

Paniniwala naman ni Jerald, “very hopeful kami kasi ‘yung trailer doon nagsisimula ‘yung word of mouth. So kung maraming shares, maraming nakaaalam na may ganitong palabas. Hopeful kami kasi iba ‘yung set-up ng MMFF ngayon dahil pandemic, sana mag-translate kahit ilang porsiyento.”

Dagdag ni Dennis, “Oo, kahit 5% lang okay na, eh sa box office.”

“Unang-una bago ko ma-appreciate ‘yun dapat tanungin ko muna ang sarili ko. Maniniwala ba ako na sobrang dami ng nanonood ng trailer namin? Ganoon ba kalaki? Ganoon ba kalaki ang na-reach ng trailer namin? At kung totoo ito, totoong pasasalamat ang gusto kong ibigay lalo na sa mga Filipino na nagsi-share kasi isa‘yun sa nagiging instrument para lalong kumalat ang trailer namin at para lalong maraming makapanood kasi sila ‘yung nagsasabing, ‘oy panoorin n’yo ito, nakakatawa,’” paliwanag ni Andrew.

FACT SHEET
ni Reggee Bonoan

About Reggee Bonoan

Leave a Reply

Your email address will not be published. Required fields are marked *

*

Scroll To Top