Categories: Opinion

‘Tiktok’ bawal na raw sa Bureau of Immigration

Share

ISANG advisory na pirmado mismo ni Bureau of Immigration (BI) Board of Discipline chief, Atty. Ronaldo P. Ledesma ang gumulantang sa buong Port Operations Division (POD) na mahigpit nitong ipinagbabawal ang pagpapalabas ng Tiktok videos sa hanay ng Immigration Officers na “on-duty.”

Sang-ayon umano sa Rule 3, Sec. 11 ng 2017 Rules on Administrative Cases in the Civil Service (RACCS), binibigyan ng babala ang mga empleyado tungkol sa tamang pagkilos (work ethics), uniform at paggamit ng gadgets (mobile phone, iPad, etc.) sa loob ng opisina at maging ang paggawa ng Tiktok videos sa oras ng trabaho.

Binigyan din ng emphasis bilang paalala ni Atty. RPL ang tungkol sa Article XI, Section 1 na ang mga public officers ay dapat magsilbi nang may katapatan sa publiko gayondin ang direktiba ng komisyoner sa tamang pagsusuot ng uniform at decorum.

Sa isang banda, tama ito kung ang layunin ni RPL ay sa ikaaayos ng dibisyon at ipamulat sa mga taga-POD ang madalas na ginagawa ng mga IO na nagti-Tiktok video habang nasa airport.

Hindi nga naman ito magandang asal lalo kung sila ay nasa opisina o maging sa immigration counters.

Actually, hindi lang Tiktok ang pinagkaka-abalahan ng mga ‘yan kundi maging ang paglalaro ng Mobile Legends na makailang-ulit na natin noon binanggit sa ating kolum.

Nagtataka lang tayo kung bakit “advisory” ang inilabas nitong hepe ng BOD imbes Note With Recommendation (NWR) para aprobahan ni Commissioner Morente.

‘Di ba mas karapat-dapat (proper) ito at hindi ang isang advisory na tila nagba-bypass sa hepe ng dibisyon (POD) na si Atty. Candy Tan?

Para kasing lumalabas na direktang babala sa (POD) ang tema ni RPL at ni pasintabi kay Atty. Candy ay wala?

For us, it’s quite offensive.

And lack of decorum.

Ano sa palagay ninyo, madlang pipol?

UMUULAN
NG ADVISORY

SPEAKING of ‘advisory.’ Tila pinauso ngayon ang ganitong style na pagpapakitang gilas bilang ‘patama’ sa ibang division or section chiefs sa Bureau of Immigration (BI).

Pakitang gilas ba talaga o simpleng paninira?

Nitong nakaraan ay may isang hepe rin ng isang dibisyon sa naturang ahensiya ang nagpalabas ng isang advisory na humihingi ng status report para raw sa “declogging of pending deportation cases.”

Wala naman masama kung status report ang hinihingi ng pumirma ng advisory ngunit ang nakapagtataka lang, bakit tila hindi na ito dumaraan sa proper channel?

Mukhang nawala na naman sa eksena ang paghingi ng approval kay BI Commissioner Jaime Morente.

‘Di kaya feel na feel ng may akda ng “advisory request” ang kanyang lakas ngayon kay Department of Justice Secretary Menardo Guevarra kaya kahit si Comm. Morente ay balewala na sa kanya?

Huwaw ha!

Ambisyosang palaka!

May nasagap pa nga tayong chika na kahit ang deportations sa airport ay gusto rin panghimasukan na siyang ikinaiimbyerna raw ngayon ng bagong POD chief na si Atty. Candy Tan.

Gusto pa nga raw hainan ng “criminal cases” ang lahat ng hinuling foreigners dahil ‘yun daw ang nasa libro?!

Weeh?!

Paano made-deport agad kung may criminal case?

May sapat na kulungan ba ang BI para sa lahat ng hinuli nila?

Wala nang gagawin ang mga IO kung hindi dumalo ng hearing?

E ‘di panibagong isyu na naman sa ahensiya?!

Well, papayag naman kaya si Atty. Tan na siya ay i-bully?

Laban lang, Madam POD!

Ang ‘di lang natin alam, kung nakarating na kay Deputy Commissioner Aldwin Alegre na maging siya ay pasimple rin sinasagasaan sa pamamagitan ng pagmo-monitor sa kanilang mga pending na trabaho.

What for?!

Para siraan kung may makitang butas, ganoon ba?

WTF!

Tila sumobra na ang pag-awra nitong may author ng “advisory requests” at kung hindi susupilin habang maaga ng mga Commissioner ay puwede nila itong ikapahamak!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://www.hatawtabloid.com
BULABUGIN
ni Jerry Yap
Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Aktor, mas kumikita sa ‘sideline’ kaysa pag-aartista

INGAT na ingat din pala sa kanyang ginagawang “sideline” ang isang male star na nagpalipat-lipat na ng kompanya pero hindi naman sumikat.… Read More

4 hours ago

Paul at Kelvin, nag-aagawan kay Mikee Quintos

ISANG best friend na may lihim na pagtingin kay Mikee Quintos ang role ni Paul Salas sa nalalapit na GMA Public Affairs fantasy-romance series na The Lost… Read More

4 hours ago

Rayver, masaya sa paglipat ni Janine

MASAYA naman si Rayver Cruz sa paglipat ng kanyang girlfriend na si Janine Gutierrez sa ABS-CBN dahil inaasahan niyon ang mas malalaking projects, kahit na nangangahulugan… Read More

5 hours ago

Joed, mala Rapunzel ang buhok Pinag-aagawan nina Ricky at Miko

HINDI nagustuhan ni Ricky Gumera ang pagtawag ng ‘babe’ ni Miko Pasamonte kay Joed Serrano. Hindi maikakaila na kung walang pulis sa buhay ni… Read More

23 hours ago

Rhea to Dingdong & Marian — Great things are in the horizon

INANUNSIYO ng CEO & President ng Beautederm na si Rhea Anicoche-Tan sa kanyang FB account ang pinakabagong ambassador ng Beautederm ngayong 2021. Masayang-masaya nitong ibinalita… Read More

23 hours ago

Kho, nakapagpatayo ng mart dahil sa mushroom chips

MASAYANG ibinalita ng young businessman at CEO & President ng Mushbetter na si Bright Kho na bukas na ang kanyang dream project, ang MushBetter… Read More

23 hours ago