Tuesday , January 19 2021
Breaking News
You are here: Home / News / Magdyowang magkaangkas sa motor, tepok sa truck
Magdyowang magkaangkas sa motor, tepok sa truck

Magdyowang magkaangkas sa motor, tepok sa truck

PATAY ang magkasintahan nang mabangga ang kanilang sinasakyang motorsiklo ng truck sa Aurora Boulevard, Barangay Doña Imelda, Quezon City, nitong Lunes ng tanghali.

Namatay sa  pinangyarihan ng aksidente ang mga biktimang sina Andrei Hernandez, 23, residente sa Mandaluyong City at kasintahang si Sanika Geron, 24, ng Punta, Sta. Ana, Maynila nang mgulungan ng truck.

Sa imbestigasyon ni P/Cpl. Wagner Acquisio ng Quezon City Police District (QCPD) District Traffic Enforcement Unit, Traffic Sector 4, dakong 12:43 pm kahapon, 30 Nobyembre nang mangyari ang malagim na aksidente sa Aurora Blvd., malapit sa kanto ng G. Araneta Ave., Barangay Doña Imelda, QC.

Batay sa pahayag ni Analisa Lucas ng Barangay Doña Imelda Health Emergency Response Team, galing sa Sta. Ana ang magkasintahan sakay ng Honda Click Motorcyle  at papunta sa area ng Cubao, nang ararohin ng truck na minamaneho ni Jericho Villarin.

Sa lakas ng impact, kapwa bumagsak ang magkasintahan at napailalim sa truck saka nagulungan.

Samantala, nasugatan din ang isang rider na si Marlon Resurreccion, nang mahagip ang kaniyang minamanehong Honda Wave Motorcycle at nagpapagaling na sa ospital.

Inihahanda na ang kasong reckless imprudence resulting in multiple homicide with physical injuries plus damage to property laban sa driver ng Sinotruck Howa Tractor Head na may plakang 310355, residente sa Francisco Subdivision, Arkong Bato, Valenzuela City.  (ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top