Thursday , January 28 2021
Breaking News
You are here: Home / Showbiz / Cong. Yul Servo, nagmungkahi ng mas matinding parusa kontra game-fixers
Cong. Yul Servo, nagmungkahi ng mas matinding parusa kontra game-fixers

Cong. Yul Servo, nagmungkahi ng mas matinding parusa kontra game-fixers

MAS nakatutok ngayon ang award-winning actor na si Yul Servo sa kanyang pagiging public servant, kaysa pagiging alagad ng sining.

Si Yul na kilala rin bilang Rep. John Marvin “Yul Servo” Nieto ng ika-3 Distrito ng Maynila ay nagsulong ng isang bill at nagmungkahi ng mas matinding parusa laban sa “game-fixers” sa larangan ng palaro sa ating bansa.

Mula sa Committee of Youth and Sports Development na kinakatawan ni Rep. Nieto, ay may naipasang bill na naglalayong mapalawak ang sports coverage at magbigay ng mas matinding parusa sa mga gagawa ng krimeng “game-fixing.”

Itong bagong bill ay papalit sa kasulukuyang House Bills 1226 at 5281.

Ang naturang dalawang (2) House Bills ay mula sa Presidential Decree No. 483, na ipinagtibay noong taong 1974. Dahil sa pagbabago ng kasalukuyang panahon, si Rep. Angelo Marcos Barba ay iminungkahi ang House Bill 1226 at sina Reps. Enrico Pineda at Michael Odylon Romero naman ay nagmungkahi ng House Bill 5281. Ang mga House Bills na ito ay naglalayong makagawa ng ‘anti game-fixing’ regulations at maging mas estrikto laban sa mga mapanlinlang na gawain sa larangan ng palaro na kasalukuyang isinasagawa sa ating bansa.

Nabatid ni Rep. Yul na ang mga mapanlinlang na tao at sindikato ay kumikita nang milyon-milyon mula sa “game-fixing” at sa “point-shaving” at mga “game machinations” at ayon sa batas, kapag nahuli, sila ay mapaparusahan sa pamamagitan ng pagbabayad ng multang nagkakahalaga ng dalawang milyong piso (P2,000,000), ngunit hindi sila madaling maipakukulong.

“Ito po ang dahilan kung bakit namamayagpag pa rin sila sa sektor ng palakasan. Ayaw po natin itong magpatuloy sa ngalan ng integridad ng bawat palaro natin, gayon din ng ating mga manlalaro. Sa isinusulong po natin na batas, mas madali silang matutukoy at mapananagot,” ayon kay Nieto.

Sa naaprobahang substitute bill, ang aktuwal na bayad o pag-abot ng pera ay mahalaga ngunit hindi kailangan upang mapatunayan ang krimen ng pandaraya sa laro, gayonman, ito ay magiging “prima facie evidence” sa kaso.

Itong substitute bill ay magpapataw ng mas matinding parusa kahit ang mga nasasangkot ay nagpaplano, nagmumungkahi, o sumusubok pa lang na gumawa ng “game-fixing,” Sila ay papatawan ng maximum na parusa sa halagang isang milyong piso (P1,000,000). Ang Game and Amusements Board (GAB) ay maaari na rin magsuspendi o magtanggal ng propesyonal na lisensiya ng mga nasasangkot na atleta. Samantala, ang Philippine Sports Commission (PSC) naman ay maaaring magtanggal ng mga atleta at coaches at mga opisyal mula sa national team. Ang mga nasasangkot ay maaari rin ipagbawal habambuhay mula sa pagsali sa lahat ng palarong isasagawa ng PSC at sila rin ay madi-disqualify mula sa kahit anong nominasyon at gantimpala.

“Nakipag-ugnayan na po tayo sa Senado ukol dito at ang mga nasabing bill ay mayroon nang counterpart measures sa komiteng pinamumunuan ni Sen. Christopher Lawrence “Bong Go,” pahayag ng premyadong aktor.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top