Tuesday , March 19 2024

Buhay ay mahalaga – Bong Go… PUBLIKO HINIKAYAT ‘WAG MAGDAOS NG MALAKIHANG PAGTITIPON (Health protocols sundin ngayong holiday season)

KASUNOD nang nalalapit na pagdiriwang ng Kapaskuhan, hinikayat ni Senator Christopher “Bong” Go, Chairperson ng Senate Committee on Health, ang publiko na iwasan ang pagdaraos ng mass gatherings at mga kasayahan ngayong holiday season, habang nananatili ang banta ng pandemyang coronavirus disease 2019 (CoVid-19).

Sa isang panayam, habang personal na pinamumunuan ang pamamahagi ng ayuda para sa mga biktima ng bagyo sa Plaridel, Bulacan nitong Biyernes, sinabi ni Go na bagamat nauunawaan niya ang kahalagahan ng family gatherings tuwing Pasko, dapat aniyang bigyan din ng halaga ang kaligtasan at buhay ng mga mahal natin sa buhay, lalo ang malakihang pagtitipon ay maaaring pagmulan ng pagkalat ng virus.

“Ako, dini-discourage ko po ang any party, any celebration. Maaaring magkahawaan ng sakit,” ayon kay Go.

Una nang hinikayat ni Go ang Inter-Agency Task Force on Emerging Infectious Diseases (IATF) na magbigay sa publiko ng mga gabay at panuntunan sa health at safety protocols na kanilang ipatutupad, partikular sa mga pagdaraos ng anomang uri ng pagtitipon, ngayong papalapit na ang Christmas season.

Ipinaalala rin ni Go na ngayo’y unti-unti nang binubuksan ng pamahalaan ang ekonomiya habang nagpapatupad ng mga kinakailangang health at safety protocols upang protektahan ang mga Pinoy sa gitna ng krisis, dapat pa rin ang kaligtasan at kalusugan ng mga mamamayan ang gawing prayoridad sa paggawa ng pamahalaan ng anomang desisyon.

“Safety first. Para sa akin, unahin muna natin ang kalusugan ng ating mga kababayan. Mas importante sa akin ang buhay ng bawat Filipino,” anang senador, at idinagdaga na, “Ang pera po ay kikitain natin pero ‘yung perang kikitain natin ay hindi mabibili ang buhay. A life lost is a life lost forever.”

Pinayohan rin niya ang mga Pinoy na manatiling vigilante at patuloy na tumalima sa minimum health and safety protocols na ipinatutupad ng pamahalaan sa pag-iwas ng CoVid-19, habang patuloy ang pag-develop sa bakuna laban sa virus.

“Kasama natin ang ating pamilya, pero wala munang parties dahil delikado pa po habang wala pa pong vaccine, no time to celebrate, ‘wag muna tayong mag-celebrate, ang importante kasama natin pamilya sa isang bahay,” giit ni Go.

Pagtiyak niya, sa sandaling magkaroon na ng bakuna, prayoridad ni Pangulong Rodrigo Duterte at ng pamahalaan, na mabigyan ang less fortunate, gayundin ang medical frontliners at iba pang vulnerable sectors.

About hataw tabloid

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *