Monday , January 25 2021
Breaking News
You are here: Home / Showbiz / Nora at Sen. Bong, ginawaran ng pagkilala sa 19th Gawad Amerika
Nora at Sen. Bong, ginawaran ng pagkilala sa 19th Gawad Amerika

Nora at Sen. Bong, ginawaran ng pagkilala sa 19th Gawad Amerika

BINIGYANG pagkilala sina Nora Aunor at Sen. Bong Revilla sa ginanap na 19th Gawad Amerika Awards noong November 21 sa Los Angeles, California.

Ginawaran ang nag-iisang Superstar ng Lifetime Achievement Award in Performing Arts habang si Sen. Bong naman ay pinarangalan ng Lakandula Award.

Dahil pa rin sa Covid-19 pandemic, hindi nakadalo sa awards night ang Kapuso awardees at nagpadala na lamang sila ng video message bilang pasasalamat sa parangal na natanggap.

Mensahe ng Superstar, “Sa lahat ng tagahanga ko riyan sa Amerika, mga nagmamahal po sa akin, sa lahat ng sumusuporta, ang aking walang katapusang pagmamahal sa inyong lahat d’yan. Mula po sa puso, walang iwanan, love you.”

Puno rin ng pasasalamat ang mensahe ni Sen. Bong, “Isang karangalan po na tanggapin ang parangal na ito. Ang mga ganito pong pagkilala ang nagtutulak sa akin para higit pang magsumikap sa ating sagradong tungkulin sa bayan. Makakaasa po kayo na tulad ng inyong hangarin bilang isang tagapaglingkod sa bayan, patuloy ko pong isusulong ang kapakanan ng ating mga kababayan.”

Samantala, malapit nang muling mapapanood si Nora bilang Cedes sa pagbabalik-telebisyon ng Bilangin ang Bituin sa Langit habang bibida naman si Sen. Bong sa upcoming GMA show na Agimat ng Agila.

COOL JOE!
ni Joe Barrameda

About Joe Barrameda

Leave a Reply

Your email address will not be published. Required fields are marked *

*

Scroll To Top