Tuesday , January 19 2021
Breaking News
You are here: Home / News / Rep.Romero: Eddie Garcia Bill, dapat maipasa agad sa Senado
Rep.Romero: Eddie Garcia Bill, dapat maipasa agad sa Senado

Rep.Romero: Eddie Garcia Bill, dapat maipasa agad sa Senado

HINIMOK ni House Deputy Speaker at 1Pacman Party-list Rep. Mikee Romero ang mga kasamahang mambabatas sa Senado na maipasa agad ang Eddie Garcia Bill o House Bill No. 7762 na naglalayon mabigyan ng proteksiyon ang mga manggagawa sa telebisyon, radyo at pinikalakang tabing kahapon.

“Kailangan po natin bigyan ng seguridad ang mga manggagawa sa showbiz maging ang mga nasa likod ng camera. Manggagawa na kailangan masigurado ang health standards para sa kanilang kapakanan,” pahayag ni Romero.

Nauna nang nakapasa sa Kongreso sa final at 3rd reading ang panukala ni Romero, na stepson ng yumaong batikang aktor na si Eddie “Manoy” Garcia.

Pumanaw si Garcia sa pagkakaratay sa ospital nang mapatid sa kable habang nasa taping ng isang tele-serye noong nakaraang taon.

Ang panukala ay mag-oobliga sa mga employer o producer na magbigay ng employment contract o tamang kontrata sa mga employado nito.

Bukod dito, magkakaroon din ng benepisyo tulad ng PhilHealth at kailangang maibilang sa minimum wage salaries.

“This is Tito Eddie’s eternal legacy. Sa kanyang mahal na industriya kung saan ibinuhos niya ang 70 taon ng kanyang buhay. Ito ay para sa kanya. Ang pagkawala niya ay magiging kaligtasan ng maraming buhay,” dagdag ni Romero.

Sa kasalukuyan, libo-libo na ang naghihintay at kabilang sa mga humiling sa Senado na maisulong at maisabatas ito sa lalong madaling panahon.

About hataw tabloid

Leave a Reply

Your email address will not be published. Required fields are marked *

*

Scroll To Top