Monday , January 25 2021
Breaking News
You are here: Home / Showbiz / A2Z Channel 11, masasagap na sa digital TV box
A2Z Channel 11, masasagap na sa digital TV box

A2Z Channel 11, masasagap na sa digital TV box

MAS pinadali na ang panonood o pagsagap sa A2Z Channel 11 dahil sa misyong palawakin ito para makapagbigay inspirasyon at saya sa mga Filipino, mapapanood na ito ngayon sa digital TV!

Ibig sabihin, masasagap na ang A2Z Channel 11 sa digital TV boxes sa Metro Manila, Bulacan, Batagas, Cavite, Laguna, at Pampanga.

Kinompirma ito ni G. Sherwin Tugna, Chairman at President ng Zoe Broadcasting Network na may-ari ng A2Z Channel 11.

Ani G. Tugna, “Kami ay nagagalak na ibahagi na ang A2Z Channel 11 ay nasa digital TV na, matapos ang test broadcast na aming ginawa kamakailan.  Kapag mayroon kayong digital TV box, mapapanood ninyo ang aming mga programa ng mas malinaw ang audio at picture qualities.”

Para masagap ang A2Z sa inyong digital box, sundin ang mga sumusunod na hakbang: 1) Pindutin ang Scan sa remote control ng digital TV box, 2) Piliin ang “Yes” para magsimula ang auto-scan; 3) Pagkatapos mag-scan, piliin ang “OK.” 4) Hanapin ang A2Z sa lineup.

Pinaigting ang mga palabas ditto simula nang mag-rebrand ang A2Z Channel 11 noong Oktubre. Kabilang sa program lineup ang religious programs na Bro. Eddie ClassicsJesus The Healer, at Jesus is Lord Sunday Worship and Healing Service; ang hit animated series na  Flying House at Super Book; gayundin ang variety shows, teleseryes, game shows, at talk shows ng ABS-CBN; educational shows ng Knowledge Channel; at blockbuster na pelikulang Tagalog at Tagalized foreign movies.

Para sa updates, i-like ang Official A2Z Facebook page www.facebook.com/OfficialA2ZPH/. (MVN)

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top