Tuesday , January 19 2021
Breaking News
You are here: Home / Showbiz / Nagpauso ng Chururut Tusok, pinagbabaantaan ang buhay
Nagpauso ng Chururut Tusok, pinagbabaantaan ang buhay

Nagpauso ng Chururut Tusok, pinagbabaantaan ang buhay

DAHIL sa mga pagbabanta gamit ang social media, hindi makauwi ang nagpauso ng salitang Chururut Tusok ng Pilipinas.

Ayon kay Vicente Pebbles Cunanan (o Pebbles ‘Chururut Tusok Cunanan) hindi siya makauwi ng Pilipinas ngayon dahil sa kabi-kabilang pagbabantang natatanggap dahil sa aktibo niyang pagtuligsa sa  korupsiyong nangyayari sa gobyerno.

Taong 2001 nang mapansin si Pebbles dahil sa salitang Chururut Tusok na eventually ay ginamit ng ilang artista kaya biglang sumikat. Isa na nga sa gumamit nito ay si Vice Ganda na kaibigan pala niya.

Isang OFW sa Cambodia noon si Pebbles nang kumalat ang balita ukol sa pagbubukas ng mga Balikbayan Box ng mga kapwa n’ya OFW. Dito niya sinimulang tuligsain ang mga nasa gobyerno.

Ginamit niya ang Facebook, Instagram, at Youtube para maiparating ang daing ng mga kapwa niya OFW na nagpapakahirap magtrabaho para may maipadala sa mga pamilya nila rito sa Pilipinas. Pero ang nangyayaring pinaghirapan, napupunta sa wala dahil nga sa nabubuksan ang mga padalang balikbayan box.

Marami pang pagtuligsa ang inihayag ni Pebbles katulad ng usapin sa PhilHealth na iginigiit niyang marami rin siyang ambag na hulog dito pero kinulimbat lamang ng ilang tiwalang tauhan nito.

Sa pagiging aktibong pagpapahayag niya, marami man ang pumupuri, marami rin ang umaaway sa kanya at nagbabanta sa kanyang buhay.

Aniya, hindi lamang ang buhay niya ang pinagbabantaan kundi maging ang kanyang pamilya. Kaya naman humihingi siya ng tulong sa kinauukulan para ma-solve ang problemang kinakaharap niya ngayon.

Sa ngayo’y nasa Japan si Pebbles at doon din humihingi ng pagkalinga para hindi magtagumpay ang mga taong gusto siyang saktan o gawan siya ng masama.

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top