Wednesday , January 20 2021
Breaking News
You are here: Home / News / Estudyante natagpuang patay sa Quezon (Naghahanap ng signal para sa online class)
Estudyante natagpuang patay sa Quezon (Naghahanap ng signal para sa online class)

Estudyante natagpuang patay sa Quezon (Naghahanap ng signal para sa online class)

WALA nang buhay, walang damit, at may mga saksak sa katawan nang matagpuan ang isang Grade 7 student sa bayan ng San Narciso, sa lalawigan ng Quezon, na sinasabing nagpaalam maghanap ng signal para sa cellphone para sa kaniyang online class, nitong Biyernes, 20 Nobyembre.

Ayon sa lolo ng biktima, nagpaalam sa kaniya ang biktimang kinilalang si Vee Anne Banico, 12 anyos, upang magtungo sa masukal na bahagi ng bundok sa Barangay Punta dahil gusto niyang mag-online upang makausap ang kaniyang guro tungkol sa kanilang module.

Matapos ang isang oras, hinanap nila ang biktima at natagpuang wala nang buhay, hubo’t hubad, at may mga saksak ng kutsilyo sa katawan.

“Ako naman ay nakikiusap sa iyo na panagutan mo ang ginawa mo sa aking apo. Sapagkat pinigil mo ang kaniyang magandang turo e, ang future niya,” ani Vicente Banico, ang lolo ng biktima, na nakikiusap sa suspek na sumuko at panagutan ang nagawang krimen.

Isinailalim sa awtopsiya ang labi ng biktima habang patuloy na nag-iimbestiga ang mga awtoridad kaugnay sa insidente.

About hataw tabloid

Leave a Reply

Your email address will not be published. Required fields are marked *

*

Scroll To Top