Wednesday , January 27 2021
Breaking News
You are here: Home / Showbiz / Himala’y Laganap ni Charo Laude, may hatid na pag-asa sa lahat  
Himala’y Laganap ni Charo Laude, may hatid na pag-asa sa lahat   

Himala’y Laganap ni Charo Laude, may hatid na pag-asa sa lahat  

AMINADO si Charo Laude na bata pa lang ay pangarap na niya ang maging beauty queen, artista, at singer. Kaya naman labis ang katuwaan niya nang ang lahat ay nagkaroon ng katuparan.

Kamakailan ay naging kompleto na ang pagiging singer ni Charo nang maging recording artist na rin siya. Nagkaroon ng launching ang kanyang single na Himala’y Laganap sa bagong bukas na Simon’s Supremo Bar sa Tomas Morato, Quezon City. Si Lance Raymundo ang nagsilbing host sa naturang event.

Nabanggit ni Ms. Charo na sa sobrang tuwa niya, hindi niya maipaliwanag ang sobra-sobrang kasiyahan na kanyang nararamdaman. Na kahit daw nasa gitna ng pandemic ay may mga biyaya pa rin na dumarating sa kanya.

Paano niya ide-describe ang single niyang Himala’y Laganap?

Esplika niya, “‘Yung single ko is more on inspiring the Filipinos, all the people around the world, na despite the pandemic, we should still celebrate.

“Yes, talagang napaka-inspirational ng song. Alam mo ‘yun? Lalo na sa atin, ‘yung mga Filipino ‘di ba, mga pamilya na kahit wala rito sa Philippines, kahit nasa ibang bansa na parang kapag narinig nila ‘yung kanta, parang ang feeling nila kasama pa rin nila sa Pasko ang kanilang mga mahal sa buhay.”

Ang Himala’y Laganap ay komposisyon at produced ni Abe Hipolito under Alakdan Records. Mapapakinggan na ito sa Spotify at Apple Music. Kasama rin sa album ang revival ng Miss Kita Kung Christmas.

Nagsimula ang showbiz career ni Ms. Charo bilang member ng Monday group ng That’s Entertainment. Mula rito, siya ay naging bahagi ng Binibining Pilipinas noong 1998. Siya ay naging Mrs. Universe Philippines 2019 at ngayo’y National Director ng Mrs. Universe Philippines pageant.

Si Charo ay may ginawang TV series like Kadenang Ginto. Sa pelikula naman, parte siya ng casts ng MOAX at Jolly Spirit Squad na parehong tinatampukan ni Joaquin Domagoso.

ALAM MO NA!
ni Nonie Nicasio

About Nonie Nicasio

Leave a Reply

Your email address will not be published. Required fields are marked *

*

Scroll To Top