Wednesday , January 27 2021
Breaking News
You are here: Home / Showbiz / Papa P, tampok sa International lifestyle magazine na Vulcan 
Papa P, tampok sa International lifestyle magazine na Vulcan 

Papa P, tampok sa International lifestyle magazine na Vulcan 

PANG-PANDEMIC si Piolo Pascual. And by “pandemic” we mean “global” and “international.”

Tampok si Papa P sa international lifestyle magazine na Vulkan (at may “k” talaga ang pangalan ng babasahin, hindi “c”), kasama ang ilang international celebrities.

Mas picture magazine ang Vulkan kaysa textual kaya, siyempre pa, naka-play up talaga sa isang picture ang kaseksihan ng Pinoy actor na binansagang “Papa P.” May paniniwalang kaya siya nabansagan ng ganoon ay dahil sa kaseksihan ng katawan n’ya, particularly ang upper torso n’ya.

May picture siya sa Vulkan na wala siyang pang-itaas. Kita lahat ng abs  at matipunong dibdib, at machong balikat. Very “papable,” ‘di ba?

Pero may picture rin naman na ang mukha n’ya ang hina-highlight habang nasa pensive mood.

May mahabang interview rin kay Papa P sa magazine na ayon sa mga ulat ay sa Amerika ipina-publish. May print at online edition ang magazine.

Ang tinalakay sa interbyu ay ang highlights ng career n’ya. Isa sa itinuturing n’yang turning point ng acting career n’ya ay noong gumanap siyang aktibistang anak nina Vilma Santos at Christopher de Leon sa critically-acclaimed, Dekada.

Actually, maitituring din na turning point sa showbiz career n’ya ang kasalukuyang pandemia. Parang biglang mas sumigla ang carer n’ya sa panahong ito.

Kari-release lang ng bagong single n’yang Iiyak Sa Ulan, which means mari-revive ang recording career n’ya. Mahigit 10 taon na siyang ‘di gumawa ng album. Kahit na dramatikong kanta ang Iiyak Sa Ulan, sexy ang music video nito, kaya matindi ring pinag-uusapan.

May ginagawa rin siyang pelikulang Ingles na for international release, ang Real Fiction, na may pagka-psycho ang role n’ya na katambal si Jasmine Curtis-Smith at idinirehe ni Paul Soriano. 

Sa teaser ng pelikula, nasa rooftop siya ng isang building at may hawak na baril. May eksena namang naka-brief lang siya.

Main host sila ni Miss Universe 2018 Catriona Gray ng Sunday Noontime Live, ang bagong musical variety ng TV5. 

Paborito siyang interbyuhin ngayon ng kapwa celebrities n’ya na vloggers.

KITANG-KITA KO
ni Danny Vibas

 

About Danny Vibas

Leave a Reply

Your email address will not be published. Required fields are marked *

*

Scroll To Top