Thursday , February 25 2021
Breaking News
You are here: Home / News / Wanted sa Region 10 rapist na Padre de pamilya arestado sa Maynila
Wanted sa Region 10 rapist na Padre de pamilya arestado sa Maynila

Wanted sa Region 10 rapist na Padre de pamilya arestado sa Maynila

NASAKOTE ng mga tauhan ng Manila Police District (MPD) at Provincial Regional Office 10, ang isang

49-anyos tatay na wanted sa Cagayan de Oro City dahil sa panggagahasa sa kanyang sariling anak, kamakalawa ng madaling araw sa Balut, Tondo, Maynila.

Ayon sa ulat ng MPD Criminal Investigation and Detection Unit (CIDU) na pinamumunuan ni P/Maj. Romeo Anicete, nakalawit ng kanyang mga operatiba ang suspek na kinilalang si Rommel Daytia, checker, residente sa Rodriguez St., cor. Guidote St., Balut, Tondo, Maynila.

Nakatakdang iharap sa Cagayan de Oro Regional Trial Court Branch 19 sa sala ni Presiding Judge Evelyn Gamotin-Nery ang suspek na ksalukuyang nasa kanilang kustodiya ng Manila police habang naghihintay ng order bago dalhin sa CDO City Jail.

Naaresto si Daytia dakong 3:30 am sa harapan ng kanyang bahay sa pakikipag-ugnayan sa pamunuan ng Barangay 134 sa Tondo na nakasasakop sa lugar na kinaroroonan ng suspek.

Sa ulat, sinabing ilang ulit pinagsamantalahan ng suspek ang kanyang 16-anyos anak at nang mabuko at naireklamo ay agad tumakas at nagtago sa Maynila noong nakalipas na taon.

Nabatid na nagpalipat-lipat ng tinutuluyang bahay ang suspek na kapwa inispatan ng mga umarestong pulis-Maynila, sa Valenzuela at Balut.

Base sa warrant of arrest, hindi pumayag ang korte na magpiyansa sa kasong incestous rape na isinampa laban sa nasabing ama. (BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top