Monday , May 17 2021
Breaking News
You are here: Home / News / Parak kinasahan tulak todas sa buy bust (Sa Bustos, Bulacan)

Parak kinasahan tulak todas sa buy bust (Sa Bustos, Bulacan)

PATAY ang isang kilabot na tulak ng ilegal na droga matapos manlaban sa pulisya sa ikinasang buy bust operation sa bayan ng Bustos, lalawigan ng Bulacan, kamakalawa ng madaling araw, 3 Nobyembre.

Kinilala ni P/Col. Lawrence Cajipe, provincial director ng Bulacan Police Provincial Office, ang napatay na suspek na si Ramil Cruz, alyas Tamil Cruz, na kabilang sa PNP PDEA watchlist.

Batay sa ulat mula kay P/Maj. Jansky Andrew Jaafar, hepe ng Provincial Intelligence Unit (PIU), katuwang ang Bustos Municipal Police Station (MPS) na pinamumunuan ni P/Maj. Jude Bryan Maguddayao, nagkasa ng buy bust operation laban kay alyas Tamil Cruz sa bahagi ng NIA Rd., Barangay Talampas, sa naturang bayan, dakong 3:20 am, nitong Martes.

Habang nagkakaroon ng transaksiyon, bigla umanong nakahalata ang suspek na ang kausap niya ay isang police operative.

Sa puntong ito, biglang bumunot ng baril ang suspek at pinaputukan ang operatiba na kaagad nakakubli at gumanti ng putok.

Dito na kumilos ang mga back-up security ng pulis hanggang magkaroon ng barilan na nagresulta sa pagkamatay ng suspek.

Nakuha sa napatay na tulak ang isang kalibre .22 baril na kargado ng bala, itim na sling bag na may pliers, pouch na may laman na 10 sachets ng shabu, pitaka na naglalaman ng sari-saring ID, isang Suzuki multi-cab, at buy bust money.

(MICKA BAUTISTA) 

About Hataw Tabloid

Leave a Reply

Your email address will not be published. Required fields are marked *

*

Scroll To Top