Wednesday , May 19 2021
Breaking News
You are here: Home / News / P58-M naabo sa Legazpi Mall
P58-M naabo sa Legazpi Mall

P58-M naabo sa Legazpi Mall

TINATAYANG aabot sa P58,000,000 ang naiwang pinsala nang masunog ang warehouse at convention center ng LCC Mall sa lungsod ng Legazpi, sa lalawigan ng Albay, kamakalawa ng gabi, 1 Nobyembre.

 

Ayon kay Fire Senior Supt. Renato Capuz, direktor ng BFP Bicol, natupok ng apoy ang tatlong warehouse ng LCC Department Store at Concourse Convention Center sa Barangay Baybay, sa naturang lungsod, dakong 8:00 pm nitong Linggo.

 

Aniya, napinsala ang mga warehouse dahil gawa sa combustible material ang mga nakaimbak na paninda.

 

Nabatid na kumalat ang apoy sa event center na nasa ikalawang palapag ng gusali habang nailigtas ng mga bomberob ang tatlong iba pang warehouse sa loob ng compound.

 

Umabot sa ikaapat na alarma ang sunog na idineklarang fire out dakong 3:00 am nitong Lunes, 2 Nobyembre.

 

Napag-alaman na nagsimula ang sunog sa warehouse at patuloy na tinutukoy ang sanhi nito.

About hataw tabloid

Leave a Reply

Your email address will not be published. Required fields are marked *

*

Scroll To Top