Friday , March 29 2024

PNP-CIDG inalerto vs ‘con-artists’ na gumagamit sa DILG

INALERTO ng Department of Interior and Local Government (DILG) ang Philippine National Police – Criminal Investigation and Detection Group (PNP-CIDG) at mga local government executives laban sa panibagong sindikato ng mga extortionist at con-men.

Ayon kay DILG Undersecretary at Spokesperson Jonathan Malaya, marami silang natatanggap na report mula sa DILG regional at field offices at mga LGUs na nakatanggap sila ng texts at tawag mula sa mga con-artists at impostor na nagpapanggap na senior DILG officials, siya o kanyang mga staff, at nag-aalok ng CoVid-19 assistance at nanghihingi ng kapalit na pera.

“Pinapayohan po natin ang ating LGUs at ang publiko na mag-ingat sa mga walanghiyang mandurugas na sindikato na nagpapakilalang DILG at nangingikil ng pera kapalit ng umano’y ayuda,” ani Malaya.
“Kahit po ang inyong lingkod ay ilang beses nang ginamit ang pangalan para makapanloko. Kailanman ay hindi tayo nanghihingi ng pera sa kahit sinong mayor, vice mayor, o kapitan kapalit ng serbisyo publiko na ibinibigay ng DILG,” dagdag nito.

Sa isang report sa DILG ni Mayor Danilo M. Diamante ng Tuburan, Cebu, sinabi niyang siya ay nakatanggap ng tawag mula sa isang nagpakilalalang DILG Undersecretary.

Humihingi umano ang caller ng pera mula kay mayor para umano sa shipping ng 1,500 kaban ng bigas na ibibigay bilang assistance sa kanyang bayan. Sinabihan din daw si Mayor Diamante na idiin ang isang SB member na sangkot sa ilegal na droga na pinabulaanan naman ng huli.

Nakatanggap si Malaya ng report mula kay DILG CALABARZON Regional Director Ariel O. Iglesia, Mayor Rachel Ubana ng Lopez, Quezon, Mayor Nacional V. Mercado ng Maasin City, Southern Leyte, at Mayor Melina Requinto ng Estancia, Iloilo.

“Halos pare-pareho ang estilo ng sindikatong ito. Tatawag at magpakilalang DILG, magbibigay kunwari ng tulong na bigas o iba pang suporta ngayong CoVid-19 at sa huli ay manghihingi ng pera para sa transportsyon at iba pang gastusin,” paliwanag ni Malaya.

Dagdag niya, inalerto na nila ang PNP-CIDG sa modus operandi at doble sipag sila ngayon upang maipakulong ang mga scammer.

Almar Danguilan

About Hataw Tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *