Friday , March 29 2024

Quinta nanalasa sa Oriental Mindoro

NATUKLAP ang mga bubong, nabuwal ang mga puno at mga poste ng koryente at bumaha sa maraming lugar sa lalawigan ng Oriental Mindoro, nang hagupitin ng malalakas na hangin at matinding pag-ulan dulot ng bagyong Quinta nang mag-landfall nitong Lunes ng umaga, 26 Oktubre.

Sa kanilang Facebook post, sinabi ng mga awtoridad ng Oriental Mindoro na nagsasagawa na sila ng clearing operations sa mga kalsadang may mga nabuwal na puno.

Sa Puerto Galera, naranasan ang malalaking alon kasabay ng malakas na hangin at ulan dakong 6:00 am, kahapon.

Samantala, tiniyak ni Governor Bonz Dolor, 24-oras na nagbabantay sa sitwasyon ang mga tauhan at responder ng Provincial Disaster Risk Reduction Management Office (PDDRMO).

Aabot na sa libo-libong pamilya ang sapilitang inilikas mula sa kanilang mga tahanan hanggang nitong Lunes.
Ayon sa Philippine Atmospheric, Geophysical, and Astronomical Services Administration (PAGASA), panglimang beses na nag-landfall ang bagyong Quinta sa bayan ng Pola, sa naturang lalawigan, dakong 3:30 am, kahapon, habang umaandar patungong West Philippine Sea.

Isinailalim sa Tropical Cyclone Wind Signal No. 3 ang hilaga at gitnang bahagi ng Oriental Mindoro (Mansalay, Roxas, Bongabong, Bansud, Gloria, Pinamalayan, Pola, Socorro, Victoria, Naujan, Calapan, Baco, San Teodoro, Puerto Galera), at hilaga at gitnang bahagi ng Occidental Mindoro (San Jose, Rizal, Calintaan, Sablayan, Santa Cruz, Mamburao, Paluan, Abra de Ilog), kabilang ang Lubang Island.

Napanatili ng bagyong Quinta ang maximum sustained winds nito sa 125 kilometers per hour at bugso hanggang 180 kph, at mananatiling isang bagyo habang binabagtas ang isla ng Mindoro.

Inaasahang lalabas ng Philippine area of responsibility (PAR) ang bagyong Quinta ngayong Martes, 27 Oktubre. ###

About Hataw Tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *