Friday , November 27 2020
Breaking News
You are here: Home / News / Isang araw matapos ang kaarawan ni Yorme: Nanay Rosario Domagaso, pumanaw, edad 74 anyos

Isang araw matapos ang kaarawan ni Yorme: Nanay Rosario Domagaso, pumanaw, edad 74 anyos

PUMANAW sa edad 74 anyos ang ina ni Mayor Francisco “Isko Moreno” Domagoso, na si Rosario Domagoso nitong Linggo ng umaga, 25 Oktubre.

Naiwan ni Nanay Rosario ang kaniyang nag-iisang anak na si Mayor Isko, isang araw matapos ang ika-46 kaarawan ng alkalde.

Inanunsiyo ang pagkamatay ni Nanay Rosario ng Archdiocesan Shrine and Parish of Santo Niño de Tondo sa kanilang Facebook page noong Linggo ng gabi.

Kabilang ang Ospital ng Maynila Medical Center sa nagluluksa sa pagpanaw ng ina ng lokal na punong ehekutibo.

“Let us pray for the soul of (the) mother of our beloved Mayor Isko Moreno Domagoso, who peacefully joined our Creator,” mula sa Facebook post ng OMMC.

Samantala, wala pang inilalabas na opisyal na pahayag ang alkalde ng Maynila kaugnay ng pagpanaw ng ina.

Tubong-Allen, Northern Samar, lumipat ng Maynila si Nanay Rosario kasama ang ama ni Mayor Isko na si Joaquin Domagoso, isang pahinante sa Manila North Harbor.

(KARLA OROZCO)

About Hataw Tabloid

Leave a Reply

Your email address will not be published. Required fields are marked *

*

Scroll To Top