Friday , November 27 2020
Breaking News
You are here: Home / News / Aguinaldo tigbak sa parak

Aguinaldo tigbak sa parak

TODAS ang isang hinihinalang drug personality nang tangkaing barilin ang isang nagpapatrolyang pulis sa Caloocan City, kamakalawa ng gabi.

Dead-on-the-spot ang suspek na kinilalang si Ronald Aguinaldo, 40 anyos, residente sa Barangay 176, Bagong Silang ng nasabing lungsod sanhi ng tama ng bala sa katawan,

Bago ang insidente, nagsasagawa ng foot patrol si P/Cpl. Joe Laurence Balinggao ng Bagong Silang West Sub-Station 12 sa kahabaan ng Phase 9 Package 3, Bagong Silang dakong 7:30 pm nang mapansin ang suspek na walang suot na damit habang naglalakad at may nakasukbit sa kanyang baywang na improvised gun.

Tinangkang lapitan ni P/Cpl. Balinggao si Aguinaldo ngunit binunot ng suspek ang kanyang baril saka pinaputukan ang pulis ngunit hindi ito pumutok.

Dahil sa nakitang panganib sa kanyang buhay, inilabas ni P/Cpl. Balinggao ang kanyang service firearm at pinutukan nang isang beses sa katawan ang suspek.

Narekober sa crime scene ng nagrespondeng tauhan ng NPD Crime Laboratory Office sa pangunguna ni P/Maj. Argentina Casino ang improvised gun na kargado ng bala, at dalawang plastic sachet na naglalaman ng hinihinalang shabu.

(ROMMEL SALES)

About Hataw Tabloid

Leave a Reply

Your email address will not be published. Required fields are marked *

*

Scroll To Top