Saturday , November 28 2020
Breaking News
You are here: Home / News / Nanay pinagbantaan kelot arestado
Nanay pinagbantaan kelot arestado

Nanay pinagbantaan kelot arestado

KALABOSO ang isang binata matapos pag-bantaang papatayin ang kanyang sariling ina nang hindi siya mabigyan ng pera sa Muntinlupa City, nitong Miyerkoles.

Nasa custodial facility ng Muntinlupa City Police at nahaharap sa kasong grave threat ang suspek na si Marvil Villa, 31 anyos, walang trabaho, ng 168 Lovely Street, Barangay Cupang sa nasabing lungsod.

Samantala ang biktima ay kinilalang si Tessie Villa, 55, residente sa nasabing lugar.

Sa ulat nina EMSgt. Edward E Rodriguez; SSgt. Ian Tabelin, at P/Cpl. Mike Erick Orongan, ng Criminal Investigation Unit, ang insidente ay naganap sa 168 Lovely St., Compound, Bgy. Cupang sa Muntinlupa City, dakong 11:00 am.

Sa pagsisiyasat, humihingi umano ang mga suspek ng pera sa kanyang ina subalit wala itong maiabot na ikinagalit ni Marvil at dumampot ng kutsilyo at pinagbantaang papatayin ang ina.

Nagawang makatakbo ng biktima at humingi ng tulong sa Barangay Cupang na nagresulta sa pagkakaaresto ng kanyang anak at pagkakarekober ng kutsilyo.

Nakatakdang suma­ilalim sa inquest proceedings sa Muntinlupa Prosecutor’s Office ang suspek. (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top