Saturday , November 28 2020
Breaking News
You are here: Home / Sports / WKA-PH sumalang sa 3rd virtual meeting

WKA-PH sumalang sa 3rd virtual meeting

MATAGUMPAY na ginanap ang WKA-PH (World Kickboxing Association – Philippines) 3rd virtual meeting noong nakaraang Linggo, Oktubre 18, 2020, sa pamamagitan ng Google Meet kasama ang pangunahing agenda ng Mat Sports Official Rulebook.

Ang nasabing online meeting ay  karugtong na pulong pagkatapos ng unang aktuwal na meeting  na ginanap noong nakaraang Oktubre 11, 2020, sa WKA National Head headquarters sa Las Piñas City na dinaluhan ng Mat Sports Officials at Executive Committee.

Ang ika-3 virtual na pagpupulong ay nilahukan ng iba’t ibang mga direktor ng rehiyon, pambansang mga opisyal ng Teknikal, at komite ng tagapagpa­ganap ng Pilipinas. Ang pagpupulong ay nag­simula bandang alas 3:00 ng hapon at ito ay pinangunahan ni WKA-PH Pres. Ramil Serit, sinundan ng recap sa dating aktwal na pagpupulong na ipinahayag ni National Sec. General Engr. Ernie Fetisan Faeldonia.

Ang mga paksa ay nahahati sa dalawa, WKA Rulebook Seksyon 2 tungkol sa Point Fighting na tinalakay nina Master Noli Española at Febbles Feyb Mendoza, at ang Seksyon 3 Light Contact (Kickboxing Light) Low Kick Light & K1 Light na ipinaliwanag ni Reg 4A Mat Sports Chairman & RMC for Rizal province, Arez Fuentes.

Sumunod ang iba pang mga talakayin, kabilang ang mga kulang na opisyal sa ibat-ibang mga posisyon, kung saan si Junjunbal Tabuyoc ng Yawyan Fervilleon Olongapo ay itinalaga bilang bagong Regional Director para sa Rehiyon 3.

Nagtapos ang pulong sa ganap na alas 5:30 ng hapon. (M. B.)

About Marlon Bernardino

Leave a Reply

Your email address will not be published. Required fields are marked *

*

Scroll To Top