Tuesday , March 19 2024

Kung dehado, pasaklolo sa Korte Suprema (Palasyo sa kritiko ng Anti-Terror Law)

ITINUTURING ni National Union of People’s Lawyers (NUPL) chairman Edre Olalia na ang Implementing Rules and Regulations (IRR) ng Anti-Terror Act ay paglabag sa batayang karapatang pantao at Konstitusyon.

Gayonman, hinimok ng Palasyo ang mga kritiko ng Anti-Terror Act na magpasaklolo sa Korte Suprema kung sa tingin nila’y dehado sila sa inilabas na IRR ng Department of Justice (DOJ) para sa pagpapatupad ng kontrobersiyal na batas.

Partikular na inaalmahan ng mga kritiko ang nakasaad sa Rule 6.5 ng IRR na ang Anti-Terrorism Council (ATC), binubuo ng mga miyembro ng gabinete, ay maglalabas ng mga resolution na nagbabansag sa grupo o tao na pinaghihinalaang terorista at ilalathala ito online o sa kanilang website, sa Official Gazette at sa isang national newspaper kahit wala pang desisyon sa kasong isinampa laban sa kanila.

Ilan sa mga umalma sa IRR ang NUPL, Integrated Bar of the Philippines (IBP), at Bayan Muna partylist.

“Well, mayroon naman pong determination na mangyayari bago po sila mag-classify, ang isang tao as being terrorist. Kinakailangan pong ma-involve iyong buong Anti-Terrorism Council ‘no. So hindi po pupuwedeng banta-banta lang iyan or tagging lang iyan; kinakailangan mayroon naman pong factual basis before it is published,” ani Roque sa virtual press briefing kahapon.

“In any case, as I said earlier, kung sa tingin po nila this is a violation of any right, they’re welcome to seek relief po sa ating Korte Suprema,” dagdag niya.

Kapag hindi pinigil ng Korte Suprema ang pagpapatupad sa Anti-Terror Law batay sa 37 petisyon laban rito, sa Biyernes (23 OKtubre) na ang simula ng implementasyon ng kontrobersiyal na batas.

Para kay IBP national president Domingo Cayosa, ang mga binansagang terorista ay hindi aabisohan ng ATC bago ilathala ang kanilang mga pangalan kaya peligroso ito, maaaring maging banta sa kanilang seguridad at wala silang proteksiyon laban sa mga taong nais silang ipahamak.

“Even at the start, you will be at a disadvantaged. You are already prejudiced (against). Your security is threatened. People can take action against you. You are not protected at all,” ani Cayosa sa panayam sa DZBB. (ROSE NOVENARIO)

About Rose Novenario

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Leave a Reply

Your email address will not be published. Required fields are marked *