Monday , October 26 2020
Breaking News
You are here: Home / News / Online classes sa Vale kanselado (Kapag may bagyo)
Online classes sa Vale kanselado (Kapag may bagyo)

Online classes sa Vale kanselado (Kapag may bagyo)

KANSELADO ang online classes sa Valenzuela City kapag bumabagyo batay sa panuntunan ng suspensyon ng klase sa panahon ng distance learning ng pamahalaang lungsod.

 

Kapag Signal No. 1 ay suspendido ang klase sa preschool at kindergarten sa mga pampubliko at pribadong paaralan.

 

Magpapatuloy pa rin ang broadcast ng Valenzuela Live at ang mga talakayan sa klase at ang mga nagdaang aralin ay ia-upload at maaaring mapanood sa itinalagang YouTube channel.

 

Walang klase sa preschool, kindergarten, elementary, at high school sa mga pampubliko at pribadong paaralan kapag Signal No. 2, at maging ang broadcast ng Valenzuela Live at ang mga talakayan sa klase ay suspendido.

 

Samantala, pati trabaho ng Department of Education (DepEd) ay kanselado kapag Signal No. 3, maging ang broadcast ng Valenzuela Live at talakayan sa klase.

 

Maaaring panoorin ang mga nakalipas na aralin sa itinakdang YouTube channel upang makapagbalik-aral ang mga estudyante at hinihikayat ang sariling pag-aaral gamit ang learning modules.

 

Kapag masungit ang panahon ngunit walang babala ng bagyo galing sa Philippine Atmospheric, Geophysical and Astronomical Services Administration (PAGASA), puwedeng kanselahin ng lokal na pamahalaan ang mga klase at trabaho. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top