Monday , October 26 2020
Breaking News
You are here: Home / News / Binata kulong sa Marijuana (Walang suot na facemask)
Binata kulong sa Marijuana (Walang suot na facemask)

Binata kulong sa Marijuana (Walang suot na facemask)

SA KULUNGAN bumagsak ang isang binata nang makuhaan ng marijuana makaraang sitahin ng mga awtoridad dahil sa hindi pagsusuot ng face mask sa Valenzuela City, kamakalawa ng gabi.

Kinilala ni Valenzuela Police chief Col. Fernando Ortega ang naarestong suspek na si John Azer Co, 21 anyos, residente sa C. Palo Alto St., Barangay Marulas ng nasabing lungsod.

Ayon sa kagawad ng Station Drug Enforcement Unit (SDEU) P/Cpl. Pamela Joy Catalla, dakong 9:45 pm,  habang nagsasagawa ng beat patrolling sa Market St., sa harap ng Rikkos Roasted Chicken, Barangay Marulas  ang mga tauhan ng Valenzuela Police Sub-Station 3 na sina P/Cpl. Reynaldo Panao at P/Cpl. Mark Jayson Cantillon namataan nila si Co na walang suot na face mask.

Nang lapitan ng mga pulis para isyuhan ng ordinance violation receipt (OVR), umiwas at pumalag ang suspek kaya’t inaresto nila at nang kapkapan ay nakuha ang anim na plastic sachets na naglalaman ng aabot sa 2 gramo ng hinihinalang pinatuyong dahon ng marijuana.

Kasong paglabag sa Art 151 (Resistance and Disobedience) of Revised Penal Code (RPC) at Comprehensive Dangerous Drugs Act of 2002 ang isinampa ng pulisya laban sa suspek sa Valenzuela City Prosecutor’s Office. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top