Monday , October 26 2020
Breaking News
You are here: Home / Bulabugin / Korupsiyon sa DPWH ‘hindi alam’ ni Villar?
Korupsiyon sa DPWH ‘hindi alam’ ni Villar?

Korupsiyon sa DPWH ‘hindi alam’ ni Villar?

MUKHANG ang kalihim o secretary na lang ng Department of Public Works and Highways (DPWH) ang hindi nakaaalam na malala ang korupsiyon sa ahensiyang kanyang pinamumunuan.

        Mismong si Pangulong Rodrigo Duterte na ang nagsabi niyan. Dahil hanggang ngayon, wala pang natatapos sa Build Build Build projects.

        Kung tutuusin, marami riyan ay nasimulan na ng nakaraang administrasyon at itinutuloy na lang nila.

         Ang nakatatakot, baka matapos ang administrasyon na ito ‘e hindi pa rin natatapos ang maraming proyektong sa ilalim ng Buil Build Build?!

        Wattafak!

        Pero ang higit na katawa-tawa, ‘yung hindi alam ni Secretary Villar ang korupsiyon sa ahensiya niya at mukhang hindi siya nababahala kung kailan matatapos ang mga proyektong supposedly ay siya ang namamahala.

        Sa tulong ng kanyang ‘sanpit’ na si Secretary Martin Andanar, ay nakapagpaliwanag siya sa Pangulo sa pamamagitan ng PTV’s Laging Handa Public Briefing.

Sabi ni Villar, gagamitin daw niya ang challenge ni Pangulong Digong para makapagreporma laban sa corruption.

“May mga nagawa na kaming reforms katulad no’ng monitoring systems. Ngayon po lahat ng ating mga proyekto may geo-tagging so malalaman po natin kung anong kondisyon ng projects,” ani Villar.

Sabagay, diyan naman kayo magaling, sa hulaan at ewan…

Hehehe 

        Naku e kung hindi pa pala nagsalita si Pangulong Digong ‘e hindi pa kayo mata-challenge niyan at parang walang balak na busisiin ang mga proyektong nakabinbin?!

        Kung hindi magbabago ang sistema nitong si Secretary Villar, malamang magaya siya kay DOH Secretary Duque, na nagpapakapal na lang ng mukha huwag lang matanggal sa puwesto.

        Makakapal na ang mga bulsa ninyo, huwag na ninyong pakapalin ang mga mukha ninyo.

        Ilang taon na lang si Pangulong Digong pero hanggang ngayon pawang press release lang ang build, build, build program and projects.

        ‘Yung sinasabing tapos na, sa press release lang pala, sa realidad ‘e hindi pa alam kung kailan matatapos.

        Hik hik hik!           

        Secretary Villar, kaunting nipis naman diyan!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit https://www.hatawtabloid.com
BULABUGIN
ni Jerry Yap

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Leave a Reply

Your email address will not be published. Required fields are marked *

*

Scroll To Top