Friday , March 29 2024

AWOL na pulis todas sa tambang (Sa Maynila)

PATAY na bumulagta ang isang pulis na sinabing matagal nang nasa talaan ng absent without leave

(AWOL) ng Manila Police District (MPD) nang tambangan habang lulan ng  kanyang motorsiklo sa Tondo, Maynila, kahapon, Huwebes ng umaga

Hindi na naisugod sa ospital ang bumulagtang biktima na kinilalang si P/Sgt. Drandreb Cipriano, 47 anyos, residente sa Lallana St., Tondo dahil sa mga tama ng bala sa iba’t ibang bahagi ng katawan.

Sa imbestigasyon ng MPD Homicide Unit, naganap ang pananambang dakong 9:10 am habang lulan ang biktima ng kanyang itim na Yamaha Mio at binabagtas ang naturang lugar ngunit paglampas sa kanto ng Vitas at Bonifacio streets ay biglang pinagbabaril ng isang hindi kilalang gunman.

Mabilis na tumakas ang suspek lulan ng itim pero hindi naplakahang motorsiklo patungo sa Ugbo St.

Sa karera ng biktima bilang isang pulis, taong 2006 noong PO1 pa lamang ay naging target ng PNP-CIDG sa hinalang nagsu-supply ng ilegal na droga sa Tondo.

Muntik noong mauwi sa madugong komprontasyon sa PNP-CIDG ang isinagawang operasyon na isa ang biktima sa apat na inarestong pulis-Maynila.

Ayon sa source, ilang taon nang AWOL  si Cipriano makaraang mapabalita na sangkot sa kalakaran ng droga sa Tondo.

Gayonman, sa kabila ng pagiging AWOL ng biktima ay patuloy siyang sumasama sa ilang miyembro ng pulisya sa lungsod.

Nakuha mula sa biktima ang isang kalibre .45 baril at patuloy ang imbestigasyon ng MPD sa posibleng motibo sa pagpaslang sa biktima at pagkakakilanlan ng suspek. (BRIAN BILASANO)

About Brian Bilasano

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *